ކުރީގެ ރައީސް މައުމޫން ޢަބްދުލްޤައްޔޫމުގެ މޯލްޑިވްސް ރިފޯމް މޫވްމަންޓް (އެމްއާރްއެމް) އުވައިލަން އިލެކްޝަން ކޮމިޝަން (އީސީ) އިން ނިންމައިފިއެވެ.
އެމްއާރްއެމް އުވައިލަން ނިންމީ ސިޔާސީ ޕާޓީތަކުގެ ގާނޫނުގައި ބުނާ 3000 މެންބަރުން ހަމަނުވާތީ އެ އަދަދަށް މެންބަރުން ހަމަކުރަން ނޯޓިސް ދިނުމުން އެ އަދަދަށް މެންބަރުން ހަމަކޮށް އީސީއަށް ހުށަހަޅާފައިނުވާތީއެވެ.
“މެންބަރުން ހަމަކުރުމަށް ދެވުނު 3 މަސްދުވަހުގެ މުއްދަތުގައި 3000 މެންބަރުން ހަމަވެފައި ނުވާތީ މޯލްޑިވްސް ރިފޯމް މޫވްމަންޓް (MRM) އުވައިލުމަށާއި މިއަދުން ފެށިގެން އެއްވެސް ސިޔާސީ ހަރަކާތެއް ނުހިންގުމަށް އެޕާޓީއަށް އެންގުމަށް ކޮމިޝަނުން މިއަދު ނިންމައިފި.“ އީސީން ކުރި ޓުވީޓެއްގައިވެއެވެ.
އީސީން މިދިޔަ ފެބްރުއަރީ 21 ގައި އާންމުކުރި މައުލޫމާތުތަކަށް ބަލާއިރު އެމްއާރްއެމްގައި ތިބީ ޖުމްލަ 2981 މެންބަރުންނެވެ.
އެމްއާރްއެމް އުވައިލަން ނިންމިއިރު އެ ޕާޓީއަކީ ސަރުކާރު ކޯލިޝަނުގައި އޮތް ޕާޓީއެކެވެ. އެ ޕާޓީން އަންނަނީ އަންނަ ރިޔާސީ އިންތިޚާބުގައި އެކުގައި ކުރިއަށް ދިއުމާ ގުޅޭ ގޮތުން ޕާޓީތަކާ ވެސް މަޝްވަރާކުރަމުންނެވެ.
One Response
ތިހިންނުވީސްނު އިބޫއާއި ކޯލިޝަން ހެދިނަމަ. އެވަރަށް އާދޭސްކުރީމާވެސް ކަލޭމެން މޮޅުބޮޑި ބަނަނަންވެގެން ސައިޒް އޮޅުނީމާ ތިހެން ތިވީ. ދެންވެސް އަވަހަށް އިބޫ އާއި ބައްދަލުކޮށް ހަމަޔަކަށް އަޅުވާލަ. އެނޫނީ ހަމަ އަސްލުވެސް މިފަހަރު ތި ޕާޓީ އުވާލާނެއެވެ. ނަޝީދުއަށް ދިން ލަގާ އެނގޭނޫން ހެއްޔެވެ!