އެމްއެމްޕީއާރްސީގެ ޚިޔާނާތުގެ މައްސަލައިގައި ޕީޕީއެމްގެ ޕާލިމަންޓްރީ ގުރޫޕުގެ ކުރީގެ ލީޑަރު އަޙްމަދު ނިހާން ޙުސައިން މަނިކުގެ މައްޗަށް ދައުލަތުން އުފުލާފައިވާ ދަޢުވާތަކުގެ އަޑުއެހުމެއް މާދަމާ ބާއްވަން ކްރިމިނަލް ކޯޓުން ތާވަލުކޮށްފިއެވެ.
ވިލިމާލޭ ދާއިރާގެ ކުރީގެ މެންބަރުކަން ކުރެއްވި ނިހާންގެ މައްޗަށް އުފުލާފައިވާ ދަޢުވާތަކުގެ އަޑުއެހުން އޮންނާނީ މާދަމާ ހެނދުނު 09:00 ގައެވެ.
ނިހާނުގެ މައްޗަށް އުފުލާފައިވާ ދަޢުވާތައް:
ރިޝްވަތު ހިފުމުގެ ކުށުގެ 3 ދަޢުވާ.
މަނީ ލޯންޑްރިންގެ ކުށުގެ 1 ދަޢުވާ.
ރިޝްވަތު ލިބިދިނުމަށް އެދުމުގެ ކުށުގެ 2 ދަޢުވާ. (ފަހުން ވަނީ އެއް ދަޢުވާ އަނބުރާ ގެންގޮސްފައި)
ނިހާނުގެ މައްޗަށް ދަޢުވާ އުފުލީ ކުރީގެ ނައިބު ރައީސް އަޙްމަދު އަދީބު އަތުން އެކި ފަހަރު މަތިން ފައިސާ ހޯއްދަވާފައިވާކަމަށް ތުހުމަތު ކުރެވޭތީއެވެ.
ނިހާނު މީގެކުރިން ވިދާޅުވެފައިވަނީ, ޕީޕީއެމްގެ ޕީޖީ ގުރޫޕުގެ އެއްވެސް މެންބަރަކު އެމްއެމްޕީއާރްސީގެ ޚިޔާނާތުގެ ފައިސާ ނުގެންދާކަން ތަކުރާރުކޮށް ވެސް އޭނާއަށް ވިދާޅުވާން ކެރިވަޑައިގަންނަވާ ކަމަށެވެ. އަދި އޭރު މަޖިލީހުގައި ތިއްބެވި ޕީޕީއެމްގެ އެއްވެސް މެންބަރަކު ނުޙައްޤު ފައިސާއެއް އަދި ރިޝްވަތުގައިި ޖެހިވަޑައިނުގަންނަވާ ކަމަށް ވެސް އޭނާ ވަނީ ވިދާޅުވެފައެވެ.
One Response
އެބޭފުޅުން ދަސްކުރެއްވި ފިލާވަޅުގައި އޮންނަކަމަށްވަނީ ރަނގަޅު އަދަދެއްގެ ފައިސާ ގެޔަށް ގެނެއްސިނަމަ އެ ހޯދިގޮތަކާބެހޭގޮތުން އަނބިމީހާވެސް ސުވާލު ނުކުރާނެކަމަށެވެ. ހަރާން ހަލާލު އޮޅުންފިލުވާދީފައެއް ނޯވެއެވެ