އެޗްޕީއޭގެ ތަފާސް ހިސާބުތަކުން ދައްކާ ގޮތުން ވޭތިވެދިޔަ 24 ގަޑި އިރު، 585 މީހަކު ވަނީ ކޮވިޑަށް ޕޮޒިޓިވްވެފައެވެ.
މިއަދު ފެނުނު ކޭސްތަކުގެ ތެރެއިން 160 މީހަކު ފައްސިވެފައިވަނީ މީހުން ދިރިއުޅޭ ރަށަކުންނެވެ.އަދި ރިސޯޓްތަކުން 11 މީހަކު، ސިނާޢީ މަސައްކަތް ކުރާ ރަށަަކުން 15 މީހަކާއި ހަދަމުންދާ ރަށަކުން 2 މީހަކުވަނީ ފައްސިވެފައެވެ. އަނެއް 397 ކޭސް ފެނިފައިވަނީ މާލެ ސަރަހައްދުންނެވެ.
މިއަދުގެ ރެކޯޑްތަކާއި އެކު ފައްސިވީ މީހުންގެ ޖުމްލަ އަދަދު މިހާރުވަނީ 31,330 އަށް އަރައިފައެވެ. އޭގެ ތެރޭގައި، 6,033 އެކްޓިވް ކޭސް ހިމެނޭއިރު 173 ފަރާތަކަށް ދަނީ އެޑްމިޓް ކޮށްގެން ފަރުވާ ދެމުންނެވެ .
މިހާތަނަށް ރާއްޖެ އިން 74 މީހަކުވަނީ މި ބަލީގައި މަރުވެފައެވެ. އަދި 25,214 މީހަކު ވަނީ މިބަލިން ރަނގަޅުވެފައެވެ.
