އެމެރިކާގެ މަދަދާއެކު އިޒްރޭލުން އީރާނަށް ދޭންފެށި ހަމަލާތަކަށްފަހު ސަރަހައްދުގައި ފެށިފައިވާ ހަނގުރާމައާއި ގުޅިގެން މިހާތަނަށް 11،000އަށް ވުރެ ގިނަ ފްލައިޓް ކެންސަލް ކޮށްފައިވާކަމަށް ޚަބަރު ލިބެއެވެ. އަދި މިހާގިނަ އަދަދެއްގެ ފްލައިޓް ތައް ކެންސަލް ކޮށްފައި ވުމުން މެދުއިރުމަތީގެ ގަމުތަކުގައި އެތައްހާސްބަޔަކު ވަނީ ފުރޭގޮތް ނުވެ ބަންދު ވެފައެވެ.

ޔޫރަޕްގެ ބައެއްގައުމުތަކަށް ނިސްބަތްވާ މީހުން އަބުރާ ގެންދިއުމަށް ޔޫރަޕިއަން ކޮމިޝަންގެ އެހީތެރިކަމާއިއެކު ޚާއްސަ ފްލައިތްތަކެއް ވަނީ ބާއްވަން ފަށާފައެވެ. މި ޕްރޮގްރާމްގެ ދަށުން މިހާތަނަށް ހަ ފްލައިޓް ބާއްވާފައިވާއިރު ފްލައިޓް ތަކުން ގެންގޮސްފައިވަނީ ބަލްގޭރިޔާ، އިޓަލީ، އޮސްޓްރިޔާ އަދި ސްލޮވޭކިޔާ ފަދަ ގައުމުތަކުގެ ރައްޔިތުންނެވެ.
ޔޫރަޕިއަން ކޮމިޝަނުން ބުނީ ކުރިޔަށް އޮތް ދުވަސްތަކުގައި އިތުރު ފްލައިޓް ތައް ބާއްވަމުން ގެންދާނެ ކަމުގައެވެ.
އެމެރިކާގެ ސްޓޭޓް ޑިޕާޓްމަންޓުންވެސް ވަނީ އެމެރިކާގެ ރައްޔިތުން ގެންދިއުމަށް ޚާއްސަ ފްލައިޓްތައް ބާއްވަމުންގެންދާނެކަމަށް ބުނެފައެވެ. އެމެރިކާގެ އޮފިޝަލުން ހާމަކޮށްފައިވާ ގޮތުގައި ފެބްރުއަރީ 28 ވަނަ ދުވަހުން ފެށިގެން މެދުއިރުމަތީގެ ގައުމު ތަކުން އެމެރިކާގެ 17،500 މީހުން އަނބުރާ ގައުމަށް ވަނީ ގެންގޮސްފައެވެ.
މީހުން ގެންދާ ފްލައުތްތައް ފުރަނީ ރީޖަނަލް ހަބްތައް ކަމަށްވާ ދުބާއީ އަދި ޖިއްދާއިން ކަމަށް ވެއެވެ.
އިގިރޭސި ވިލާތުންވެސް ވަނީ މީހުން އިވެކުއޭޓް ކުރަން ވަރަށް އަވަހަށް އޮމާންގެ ވެރިރަށް މަސްކަޓުން ފްލައިޓްތައް ފޮނުވާނެ ކަމަށް ބުނެފައެވެ.
ގަލްފް ގައުމުތަކުގައި މިވަގުތުވެސް އިގިރޭސި ވިލާތުގެ 300،000އެއްހާ މީހުން ދިރިއުޅެ، ނުވަތަ ޓްރާސިޓް ވެފައި އެބަތިބިކަމަށްވެއެވެ.
10 ގައުމަކަށް ޖައްސަން ނުވަތަ ފުރަން އޮތް 11،000އަށް ވުރެގިނަ ފްލައިޓް ވަނީ ފެބްރުއަރީ 28 ގައި ފެށުނު ހަނގުރާމަޔާއި ގުޅިގެން ކެންސަލް ކޮށްފައެވެ.ގަލްފް ގެ އަތައް ގައުމަކުން ވަނީ އާދައިގެ ދަތުރު ތައް މެދުކަނޑާލާފައެވެ.
ދުނިޔޭގެ އެންމެ ކާރޫބާރޫ ބޮޑު ދުބާއީ އިންޓަނޭޝަނަލް އެއާޕޯޓުން އޮޕަރޭޓް ކުރާ ދަތުރު ތަކުގެ 87 އިންސައްތަ ވަނީ ކެންސަލްކޮށްފައެވެ.291 ޑެސްޓިނޭޝަން އަށް ދަތުރު ތައް ބާއްވާ ދުބާއީ އިންޓަނޭޝަނަލް އެއާޕޯޓުން ފެބަރުއަރީމަހު އެކަނިވެސް 4.9 މިލިއަން ފްލައިޓް ސީޓް ހެންޑްލް ކޮށްފައި ވާކަމަށް ވެއެވެ.މީގެ އިތުރުންވެސް ޝާރުޖާއިން 91 އިންސައްތަ ފްލައިޓް، އަދި ދޯހާއިން 93 އިންސައްތަ ފްލައިޓް ވަނީ ކެންސަލް ކޮށްފައެވެ.
ސަރަހައްދަށް ހަމަޖެހުން އަންނާނެ ދުވަހެއް އަދި ނޭގުނު ނަމަވެސް ބުދަ ދުވަހު ބައެއް ގައުމުތަކުން ވަނީ ދަތުރު ތައް އަލުން ކުރަން ފަށާފައެވެ. މިގޮތުން ދަތުރު ތައް ފެށިބައެއް ގައުމުތަކުގެ ތެރޭގައި ދުބާއީ ، އަބޫދާބީ، އަދި ރިޔާޟް ގެ ކިންގ ޚާލިދު އިންޓަނޭޝަނަލް އެއާޕޯޓް ހިމެނެއެވެ.