ސަރުކާރުން ތައާރަފް ކުރުމަށް ނިންމާފައިވާ ޓެކްސީލައިންގެ ހިދުމަތް ފިތުރު އީދަށް ފަށަން ތައްޔާރުވެއްޖެއެެވެ.
މިކަންހާމަކުރައްވާފައި ވަނީ މިއަދު ބޭއްވި ނޫސްވެރިންގެ ބައްދަލުވުމުގައި ދަތުރު ފަތުރާއި މަދަނީ އުދުހުންތަކާއި ބެހޭ ވަޒީރު މުހައްމަދު އަމީން އެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އަމީން ވިދާޅުވީ، ޓެކްސީ ލައިންގެ ފުރަތަމަ ބެޗް މި މަހުގެ 11 ވަނަ ދުވަހު ރާއްޖެ އަންނާނެ ކަމަށެވެ.
އެ ޓެކްސީ ލައިންގެ ދެވަނަ ބެޗް އަންނަނީ ޗައިނާއިން ކަމަށާއި ބާކީއިން މޮޑެލް އަންނަނީ ތައިލެންޑުން ކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ އެ ދެ ބެޗުވެސް ނިމިގެން ރާއްޖެ އައުމުގެ މަގުމަތީގައި ތިބީ ކަމަށާއި، މިއަދު އެއް ބެޗް ލަަންކާގެ ޕޯޓަށް ވަންނާނެ ވަންނާނެ ކަމަށް މިނިސްޓަރު ވިދާޅުވިއެވެ.
އަދި ދެވަނަ ބެޗް ރާއްޖެ އަންނާނެ ސީދާ ތާރީހު ހުކުރު ދުވަހު އެނގޭނެ ކަމަށް ވެސް މިނިސްޓަރު ވިދާޅުވިއެވެ. ޓެކްސީ ލައިން އިފްތިތާހްކޮށް ލިމިޓެޑް ސާވިސް ތަކެއް ފެށުމަށް ގަސްދު ކުރަނީ، މި މަހުގެ 18ގައި ކަމަށާއި އީދަށް މިކަންތައް ފެށޭތޯ އެމްޓީސީސީން މަސައްކަތް ކުރަމުން އަންނަކަމަށް މިނިސްޓަރު ވިދާޅުވިއެވެ.
