މި ޖެނުއަރީ މަހުގެ 26ވަނަ ދުވަހުން ފެށިގެން ތިލަފުށިން ގެއްލިގެން ހޯދަމުންދިޔަ ބިދޭސީ މީހާ ނިޔާވެފައި އޮއްވާ ފެނިއްޖެ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ނިޔާވެފައި އޮއްވާ ފެނިފައިވަނީ ބަނގްލަދޭޝް ރައްޔިތެއް ކަމަށްވާ އަމީން މިއާ ކަމަށާއި، ނިޔާވެފައިވަނީ އޭނާ ގެއްލުނު ދުވަހު ހިނގި ހާދިސާއެއްގައި ކަމަށް ފުލުހުންގެ ޚިދުމަތުން މަޢުލޫމާތުދެއެވެ.
އެއީ ކޮން ހާދިސާއެއްކަން އަދި ހާމަކޮށްފައި ނުވިނަމަވެސް، ފުލުހުން ބުނީ ތަޙުޤީޤު ކުރިއަށްދާ ވަރަކުން މަޢުލޫމާތު ހިއްސާކުރަމުން ގެންދާނެ ކަމަށެވެ.
ޚަބަރު ލިބޭގޮތުގައި އޭނާ ނިޔާވެފައި އޮއްވާ ފެނިފައިވަނީ ކުނިތަކެއްގެ ދަށުގައެވެ.
