ރިޝްވަތު ނެންގެވުމުގެ ކުށުގައި ދެކުނު ކޮރެޔާގެ ކުރީގެ ފަސްލޭޑީ ކިމް ކިއޯން ހީ، 20 މަސްދުވަހަށް ޖަލަށް ލައިފިއެވެ.

އެ ކަމަނާގެ މައްޗަށް ކުރެވުނު އެހެން ދެ ދައުވާއެއްވަނީ ސާބިތު ނުވެފައެވެ. އެއީ ސްޓްކް އެކްސްޗޭންޖް ގެ އަގުތައް ކޮންޓޮރޯލް ކުރުމަށް އުސޫލުން ބޭރުން ފިޔަވަޅުތަކެއް އެޅުއްވުމާއި އަދި އޮޕީނިއަން ޕޯލް ތައް ކޮންޓްރޯލް ކުރެއްވުމަށް ކަންތައްތަކެއް ކުރެއްވުމެވެ.
ކުރީގެ ފަސްޓްލޭޑީ ކިމް ކިއޯން ހީ މިމޭރުމުން ކަންތައް ކުރައްވާފައިވާކަމަށް އަޑުފެތުރިގެން ދިޔައީ 2022 ވަނަ އަހަރު ބޭއްވުނު ރިޔާސީ އިންތިހާބްގެ ކުރިންނެވެ.އެއިންތިހާބް ކާމިޔާބް ކުރެއްވީ ކިމް ގެ ފިރިކަލުން ޔޫން ސޮކް ޔޯލް އެވެ.
ނަމަވެސް ޔޫން ސޮކް ޔޯލްގެ މައްޗަށްވެސް ވަނީ ފަސްއަހަރު ދުވަހުގެ ޖަލުހުކުމެއް އިއްވާފައެވެ.އެއީ 2024 ވަނަ އަހަރު ނުގަވާއިދުން މާޝަލް ލޯ ހިންގަން މަސައްކަތް ކުރެއްވުމާއި ގުޅިގެންނެވެ.
މިއީ ދެކުނު އެފްރިކާގެ ތާރީޚުގައިވެސް ރައީސް ކަން ކުރެވި ބޭފުޅަކާއި އޭނާގެ އަނބިކަނބަލުންގެ މައްޗަށް އެކުއެކުގައި ކުށް ސާބިތުވެ ޖަލަށް ހުކުމް ކުރެވުނު ފުރަތަމަ ފަހަރެވެ.
ކުރީގެ ފަސްޓްލޭޑީ ކިމް ކިއޯން ހީ ގެ މައްވަށް ހުކުމް އިއްވަމުން ބުދަދުވަހު ސޯލް ގެ ސެންޓްރަލް ޑިސްޓްރިކްޓް ކޯޓްގެ ފަޑިޔާރު ވިދާޅުވީ އަމިއްލަ ފައިދާޔަށް ކިމް މަގާމުގެ ބޭނުން ނަހަމަ ގޮތުގައި ހިއްޕަވާފައިވާ ކަމުގައެވެ. މަގާމު މައްޗަށް ދިޔަވަރަކަށް މިފަދަ ކަންކަމާ ބޮޑަށް ދުރުވާން ޖެހޭނެ ކަމަށާ ނަމަވެސް އެކަމަނާ އެގޮތަށް ކަންތައް ކުރައްވާފައިނުވާކަމަށާ އަމިއްލަ ފައިދާޔަށް މަގާމުގެ ބޭނުން ހިއްޕަވާފައިވާ ކަމަށް ފަޑިޔާރު ވިދާޅުވެފައި ވެއެވެ.
ކިމްގެ މައްސަލަ ތައް ބަލަން އައްޔަން ކުރެވުނު ޚާއްސަ ގާނޫނީ ޓީމުން ބުނި ގޮތުގައި ކިމް އަށް 80 މިލިއަން ވޮން(56،000 ޑޮލަރު)ގެ ހަދިޔާ ލިބިވަޑައިގެންފައިވާ ކަމުގައެވެ.މިހަދިޔާތަކުގެ ތެރޭގައި ޑައެމަންޑް ޖެހި ހާރަކާއި އެތައް ޝެނެލް އަތްދަބަސް ހިމެނެއެވެ.މިހަދިޔާ ތައް ފަސްޓްލޭޑީ ނަންގަވާފައިވަނީ ބިޒްނަސް އަދި ސިޔާސީ ”ފޭވާ“ ތަކުގެ ބަދަލުގައެވެ. ޓީމުން ބުނެފައިވަނީ އެކަމަނާގެ މައްޗަށް 15 އަހަރު ދުވަހުގެ ޖަލު ހުކުމަކާއި އެކު 2ބިލިއަން ވޮންގެ ޖޫރިމަނާ ހައްގުވާކަމުގައެވެ. ނަމަވެސް އުފުލުނު ތިން ދައުވާގެ ތެރެއިން ސާބިތު ވީ އެއްދައުވާ ކަމުން ޖަލުހުކުމުގެ މުއްދަތު ކުޑަ ކުރެވިފައިވެއެވެ. ނަމަވެސް 12.85 މިލިއަން ވޮން ގެ ޖޫރިމަނާއެއް ނަގުދު ފައިސާއިން ދެއްކެވުމަށާއި ޑައިމަންޑް ހާރު ކޯޓަށް ހަވާލުކުރުމަށް އަންގާފައި ވެއެވެ.
ކުރީގެ ފަސްޓް ލޭޑީ ކިމް ކިއޯން ހީ ވަނީ ކުރެވުނު ދައުވާ ތަކަކީ ވަރަށް އިންސާފުން ބޭރުން ކުރެވުނު ދައުވާތަކެއް ކަމަށް ވިދާޅުވެފައެވެ.އަދި ޝެނެލް ދަބަސްތައްވެސް ބޭނުން ނުކުރައްވާ އަނބުރާ ރައްދު ކުރައްވާފައިވާނެކަމަށް ވިދާޅުވެފައި ވެއެވެ.
މައުލޫމާތު: ބީބީސީ