އަވަށްޓެރި މަލިކަށްޖެއްސި ފުރަތަމަ ސީޕްލޭނެއްގެ ގޮތުގައި ދިވެހި ގައުމީ އެއަރލައިން މޯލްޑިވިއަން ސީ ޕްލޭން އިއްޔެ މަލިކަށް ޖައްސައިފިއެވެ.

މޯލްޑިވިއަނުން ކުރި ޓްވީޓެއްގައި ބުނެފައިވަނީ އިންޑިޔާގެ މަލިކަށް ދިވެހި ފަޅުވެރިންނާއެކު ގައުމީ އެއާލައިން ކުރި މި ދަތުރަކީ ތާރީޚީ ދަތުރެއްކަމަށެވެ.

މޯލްޑިވިއަނުން ބުނީ މަލިކުގައި ސީޕްލޭން މަޑުކޮށްލީ އިންޑީއާގެ ސްޕައިސް ޖެޓްގެ ޗާޓާ  ދަތުރެއްގައި އިންޑިއާގެ އަހްމަދު އާބާދަށް ދިއުމުގެ މަގުމަތީގައެވެ.

އިންޑިޔާގެ މަލިކަށް ދިވެހި ޤައުމީ އެއަރލައިން ގެ ސީޕްލޭން ދިވެހި ފަޅުވެރިންނާއެކު މިކުރި ދަތުރަކީ ތާރީޚީ ދަތުރެއް. މީގެ ކުރިން މަލިކަށް މިނޫން އެއްވެސް އެއަރލައިނެއްގެ ބޯޓެއް ޖެއްސި ކަމަކަށް ތާރީޚުން ނުދައްކާ. #Maldivian #NationalAirline pic.twitter.com/RnyZFU1tS3

— MaldivianAero (@MaldivianAero) December 28, 2020

މީގެ ކުރިން މަލިކަށް އެއްވެސް އެއަރލައިނެއްގެ ބޯޓެއް ޖެއްސި ކަމަށް ތާރީޚުން ނުދައްކާކަމަށް ވެސް މޯލްޑިވިއަނުން ބުނެއެވެ.

މަލިކަކީ އެރަށުގައި އެއަރޕޯޓެއް އޮންނަ ރަށެއްނޫނެވެ. ނަމަވެސް ވައިގެ ދަތުރުތައް ކުރުމަށް 1987 އިން ފެށިގެން ހެލިޕެޑެއް ގާއިމްކޮށް އާންމުގޮތެއްގައި ހެލިކޮޕްޓަރ ދަތުރުތައް އެރަށުގައި ކޮށްއުޅެއެވެ. ދިވެހިބަހުގެ އުސްތާޒު އަބްދުﷲ ސާދިގު ވެސް ވަނީ ހެލިކޮޕްޓަރެއްގައި މަލިކަށް ވަޑައިގެންފައެވެ.

ކުރިން ރާއްޖޭގެ ރަށެއްގެ ގޮތުގައި އޮތް މަލިކަކީ ވަރަށް ގިނަގޮތްގޮތުން ދިވެހިންގެ ހިތްތަކާ ގާތް ރަށެކެވެ. ނަސްލީގޮތުންނާއ ސަގާފީގޮތުން ވަރަށް ބޮޑަށް ގުޅިފައިވާ ދިވެހިބަހުން ވާހަކަދައްކާ ބަޔަކު ދިރިއުޅޭ މިރަށު މީހުން މިހާރު އެކި ގޮތްގޮތުން ރާއްޖެއަންނަ މިންވަރުވެސް ވަނީ އިތުރުވެފައެވެ. އަދި މަލިކަށް ދިވެހިން ފޮނުވައިދިނުމުގެ ޚިދުމަތް އަމިއްލަ ކުންފުންޏެއް އުފެދުނުފަހުން ރާއްޖޭމީހުންވެސް މަލިކަށް ދިއުން އިތުރުވެފައިވާކަން ފާހަގަކޮށްލެވެއެވެ.