ވައިޓްހައުސްގައި ބޭއްވުނު ހަފުލާއެއްގައި ރައީސް ޓްރަމްޕްއަށް އަވަހާރަފުޅު ލެއްޕެވިއްޖެއެވެ. އެ މަނިކުފާނުގެ ކުރިން އެމެރިކާގައިހުންނެވި ރައީސް ބައިޑްންއަށްވެސް މިކަހަލަގޮތަކަށް އަވަހާރަފުޅު ލެއްޕެވެމުން އަންނާތީވެ އެ ދުވަސްވަރު މަލާމާތުގެ އިނގިލި ދިއްކުރެވެމުން ދިޔައެވެ.

ބަރުދަން ލުއިކުރުމަށްޓަކައި ބޭނުންކުރާނެ ބޭހެއް ތައާރުފް ކުރަން މިދިޔަ ބުރާސްފަތި ދުވަހު ވައިޓްހައުސްގައި ބޭއްވުނު ހަފުލާގައި އެތައްފަހަރަކު ރައީސް ޓްރަމްޕް ގޮނޑިކޮޅުގައި ނިދިޖެހިފައި އިންނަވަނިކޮށް ކެމެރާތަކަށް ފެނިފައިވާކަމަށް ކެލިފޯރނިއާގެ ގަވަރނަރ ނިއުސަމް ގޭވިން އެންމެފަހުން ކުރެއްވި ޕޯސްޓުގައި ފާހަގަކޮށްފައި ވެއެވެ. ރައީސް ޓްރަމްޕް އާއި ގަވަރނަރ ނިއުސަމް ގޭވިން އާ ދޭތެރޭ ސިޔާސީ ވާދަވެރިކަމެއް އުޅޭކަން މާޒީގެ ޚަބަރުތަކުން އެނގިފައި ވެއެވެ. މިފަހަރުގެ ޙާދިސާއާ ގުޅުވައިގެން ނިއުސަމް ވަނީ ރައީސް ޓްރަމްޕް އަށް “ ޑޯޒީ ޑޮން “ އޭ ވިދާޅުވެ ވަނަމެއްވެސް ދީފައެވެ. ގަވަރނަރ ނިއުސަމް މި އިޝާރާތް ކުރައްވަނީ ރައީސް ޖޯ ބައިޑްން އަށް “ ސްލީޕީ ޖޯ “ ގެ ވަނަން ދީފައިވާތީ ކަމަށްވެސް ވެދާނެއެވެ.

ވައިޓްހައުސްގެ އޯވަލް އޮފީހުގައި ބޭއްވުނު ބައެއްބާވަތުގެ ބޭހުގެ އަގު ދަށްކުރަންބޭއްވި ހަފްލާއެއްގައި ރައީސް ޓްރަމްޕް އަވަހާރަފުޅު ލެއްޕެވިފައި