ރޭ ދަންވަރު ރޯވި އަލިފާނުގެ ސަބަބުން ލިލީ އެފް އެންޑް ބީ ސަޕްލަޔަރޒްއަށް ވަރަށް ބޮޑަށް ގެއްލުންވެފައިވާކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ މި ހާދިސާގައި އެތަނުގައި ހުރި ގިނަ އަދަދެއްގެ މުދަލަށް ބޮޑު ގެއްލުމެއް ވެފައިވާއިރު، ތަނުގެ ފުރާޅުން ބައެއް ވަނީ ވެއްޓިފައި ކަމަށެވެ.
މި ހާދިސާގައި އަލިފާން ނިއްވަން އުޅުނު ފަޔަރފައިޓަރެއްގެ ހާލުދެރަވެގެން ސެނަހިޔަ ހޮސްޕިޓަލުގައި ފަރުވާދެމުން ދާކަމަށްވެސް އެމްއެންޑީއެފުން މަޢުލޫމާތު ދީފައިވެއެވެ.
މި ހާދިސާގެ މަޢުލޫމާތު ލިބިފައިވަނީ ރޭ ދަންވަރު 1:00ހާއިރު ކަމަށާއި، އަލިފާން ނިއްވާލެވިފައިވަނީ 2.40ހާއިރު ކަމަށް އެމްއެންޑީއެފުން ބުނެއެވެ.
