ޖަޕާނުގެ ވަކަޔާމާ ޕްރިފެކްޗާ އަށް ނިސްބަތްވާ 100 އަހަރުގެ އަންހެން ޑޮކްޓަރެއް ބޭސްވެރިކަމުގެ ދާއިރާއިން އަދިވެސް ކުރިއަށްދާއިރު، އޭނާ ރިޓަޔާވުމުގެ ވިސްނުމެއް ނުގެންގުޅެނީ އާންމު ރައްޔިތުން ދުޅަހެޔޮ ސިއްހަތެއްގައި ބެއިތިއްބުމަށް އެހީތެރިވުމުގެ ބޭނުމުގައެވެ.

ކައިނާންގެ ކަސަމަޓްސޫ ހޮސްޕިޓަލުގައި މަސައްކަތް ކުރާ ޑރ. ޓެރޫ ކަސަމަޓްސޫ ހަފްތާއަކު ތިން ދުވަހު އައުޓްޕޭޝަންޓުން ބަލައެވެ. މީގެ ތެރޭގައި މައިގަނޑު ގޮތެއްގައި ހިމެނެނީ އޭނާ ގަވާއިދުން ބަލާ ބަލިމީހުންނެވެ. ވަކަޔާމާ ބޭ ކުރިމަތީގައި ހުންނަ މި ހޮސްޕިޓަލުގައި އޭނާ ބަލިމީހުންނާއި ބައްދަލުކޮށް މުޚާތަބުކުރަނީ މަޑުމައިތިރި ހިނިތުންވުމަކާއެކުގައެވެ.

ބަލިމީހެއްގެ މެޑިކަލް ޗާޓްތައް ޗެކް ކުރަމުން، “ ލޭގެ ޕްރެޝަރު ތަންކޮޅެއް މަތި،“ ކަމަށްބުނެ، ދެން ޒިޔާރަތް ކުރާއިރު ބޭސްތަކުގެ ރެކޯޑް ފޮތް ގެންނަން އޭނާ ހަނދާންކޮށްދެއެވެ.

އޭނާގެ ޚިދުމަތުގެ ސާބިތުކަމުގެ ސަބަބުން އޭނާއަކީ މުޖުތަމައުގައި އާދަޔާ ޚިލާފު އަދި ލަޤަބެއް ލިބިފައިވާ ޝަޙްސަކަށް ވެފައިވާއިރު، ދިރިއުޅުމުގެ ދެވަނަ ގަރުނުގެ ތެރޭގައި ވެސް އާންމުންނަށް ބޭސްފަރުވާ ދިނުމަށް އޭނާ ހުރީ ތައްޔާރަށެވެ.