މެލޭޝިއާ ފުލުހުން ބަލަމުންދާ މައްސަލައެއްގައި ދިވެހި ފިރިހެނަކު ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން މީޑިއާއަށް ހިއްސާކުރި މެސެޖެއްގައި ވަނީ، މެލޭޝިއާ ފުލުހުން ބަލަމުން އަންނަ މައްސަލައަކާ ގުޅިގެން ޢަބްދުލް ބާޠިން މުޙައްމަދު ކިޔާ ދިވެއްސަކު ހައްޔަރުކުރިކަމުގެ މަޢުލޫމާތު ލިބިފައިވާކަމަށެވެ.
މި މައްސައާގުޅޭ އިތުރު ތަފުސީލެއް ހާމަކޮށްފައި ނުވިނަމަވެސް، ދިވެހި ފުލުހުންގެ ޚިދުމަތުން ދަނީ އޭނާއާގުޅޭ ގެވެށި އަނިޔާގެ މައްސަލައެއް ބަލަމުން ކަމަށް އެ ޚިދުމަތުން ވަނީ ބުނެފައެވެ.
މެލޭޝިއާ ފުލުހުން އޭނާ ހައްޔަރުކޮށްފައިވަނީ ކޮން މައްސައެއްގައިކަން އަދި ވަނީ ސާފުވާގޮތް ނުވެފައެވެ.