2025 ވަނަ އަހަރުގެ ފުރަތަމަ ހަމަސްދުވަހުގައި މެލޭޝިޔާއިން ފާސްކުރި އިންވެސްޓްމަންޓްތައް 190.3 ބިލިއަން ރިންގިޓަށް އެރުމާއެކު، މިއަހަރު އައު ރިކޯޑެއް ހެދިދާނެކަމުގެ އުންމީދު މެލޭޝިއާއަށް އާވެއްޖެއެވެ.

މިގޮތުން، މެލޭޝިއާގެ މިދިޔަ އަހަރުގެ ރެކޯޑް ޕާފޯމަންސް ކަމުގައިވާ 378.5 ބިލިއަން ރިންގިޓް ފަހަނައަޅައި ދިއުމުގެ އުންމީދު މިއަހަރު ބޮޑު ކަމަށް އިގްތިސާދީ މާހިރުން ބުނެ އެވެ.

މި އަދަދުތަކުން ދައްކާ ގޮތުގައި މެލޭޝިއާ އިން ވަނީ މިދިޔަ އަހަރުގެ ޖުމްލަ އަދަދުގެ ދެބައިކުޅައެއްބަޔަށްވުރެ އިތުރު އަދަދެއް އިންވެސްޓްމަންޓްގެ ގޮތުގައި ހޯދާފައެވެ. އޮފިޝަލުން ބުނާ ގޮތުގައި މި ޕާފޯމަންސް އިން ދައްކުވައިދެނީ މެލޭޝިއާގެ އިގްތިސާދީ ސިޔާސަތުތަކާއި ކުރިއެރުމުގެ ގާބިލްކަމާ މެދު އިންވެސްޓަރުންގެ އިތުބާރު އޮތް މިންވަރުގެ ބޮޑު ކަމެވެ.

މެލޭޝިއާއަށް އިންވެސްޓްމަންޓް ފުރުސަތުތައް ހޯދައިދޭ ބައިނަލްއަގްވާމީ އެއް ޖަމިއްޔާއަކީ ކުއަލަލަމްޕޫރާއި، އިސްތަންބޫލާއި، ޖަކާޓާ ގައި ހިންގާ އޭޝިއާ މިޑްލް އީސްޓް ސެންޓަރެވެ. މިގޮތުން، އޭޝިއާގެ ލީޑިން އިންވެސްޓްމަންޓް މަންޒިލެއްގެ ގޮތުގައި މެލޭޝިއާ ފައިތިލަ ސާބިތުކުރަމުން އަންނަކަން އެ ގްރޫޕުން ފާހަގަކުރެއެވެ.

”މެލޭޝިއާ އިން ދައްކަމުން މިދަނީ ހުސް ވައުދުތަކެއް ކުރުމަކުން ނުފުދޭކަން. ހަގީގަތުގައި ވެސް އޭޝިއާގައި އިންވެސްޓް ކުރަން އެންމެ ރަނގަޅު ތަނަކީ އެއީކަން،“ އެ ސެންޓަރުން ނެރުނު ބަޔާނެއްގައި ބުނެފައިވެއެވެ.