ޓެކްސީއެއްގެ ތެރެއަށް ދޫކޮށްލެވެނު ދަބަހަކާއި 400 އަށްވުރެ ގިނަ ޑޮލަރު ހޯދައި ވެރިފަރާތާއި ހަވާލުކޮށްފައިވާ ކަމަށެވެ.
ފުލުހުން މިއަދު ބުނީ ޓެކްސީއެއްގެ ތެރެއަށް ދޫކޮށްލެވުނު ދަބަހަކާއި 400 އަށްވުރެ ގިނަ ޑޮލަރު ގެއްލިފައިވާކަމަށް ފުލުހުންނަށް ރިޕޯޓްކުރިތާ 5 ގަޑިއިރުގެ ތެރޭގައި އެ ތަކެތި ހޯދައި އޭގެ ވެރިފަރާތާއި ހަވާލުކޮށްފައިވާ ކަަމަށެވެ.
އެ ހާދިސާ ހިނގާފައި ވަނީ މި މަހުގެ 27 ވަނަ ދުވަހުުގެ ހެނދުނުގެ ވަގުތެއްގައެވެ.
ފުލުހުން ބުނީ މީހަކު ދަތުރުކުރި ކާރަށް ދަބަސް ދޫކޮށްލެވި، ގެއްލިފައިވާ ކަމަށް ފުލުހުންނަށް ރިޕޯޓްކުރުމާ ގުޅިގެން އެމީހާ ދަތުރުކުރި ކާރު ހޯދުމަށްޓަކައި ސީސީޓީވީ ފުޓޭޖްތައް ބަލައިގެން ފުލުހުން ކުރަމުންދިޔަ މަސައްކަތުން ވަނީ އެމީހާ ދަތުރުކުރި ޓެކްސީ ހޯދާފައި ކަމަށެވެ.
މިގޮތުން ކާރު ތެރެއަށް ދޫކޮށްލެވުނު ދަބަހާއި ދަބަސް ތެރޭގައި އޮތް 400 އަށްވުރެ ގިނަ ޑޮލަރު ހޯދައި މިހާރު އޭގެ ވެރިފަރާތާއި ހަވާލުކޮށްފައިވާ ކަމަށް ފުލުހުން ބުނެފައި ވެއެވެ.
