މިނިސްޓްރީ އޮފް ފިނޭންސްގެ ޕްލޭނިންގ އެޑްވައިޒަރަކަށް، ކުރީގެ ޕްލޭނިންގ މިނިސްޓަރު ޙަމްދޫން ޙަމީދު އައްޔަންކުރައްވައިފިއެވެ.
ރައީސް މައުމޫނުގެ ސަރުކާރުގައި ޕްލޭނިންގ މިނިސްޓަރުކަން ކުރެއްވި ޙަމްދޫން ވަނީ، ކުރީގެ ރައީސް ޢަބްދުﷲ ޔާމީނުގެ ސަރުކާރުގައި، ސިންގަޕޫރުގައި ހުންނަވާ ނޮން ރެސިޑެންޓް ސަފީރުގެ މަގާމުވެސް ފުރުއްވާފައެވެ. މީގެ އިތުރުން، ޙަމްދޫން ވަނީ ރައްޔިތުންގެ މަޖިލީހުގެ މެންބަރުކަންވެސް ކުރައްވާފައެވެ.
ރައީސް މައުމޫނަށް ބޮޑުބޭބެ ވިދާޅުވާ ޙަމްދޫން ޚާއްޞަވެފައިވަނީ ޕްލޭނިންގ ދާއިރާއިންނެވެ.
ރައީސް މުޢިޒުގެ ސަރުކާރުގައި ފުރަތަމަ ކެބިނެޓް އެކުލަވާލެއްވިއިރު ނޭޝަނަލް ޕްލޭނިންގެ ޒިންމާތައް ހަވާލުކުރައްވާފައިވަނީ ހައުސިންގ މިނިސްޓްރީއާއެވެ. ނަމަވެސް ފަހުން ޕްލޭނިންގގެ ޒިންމާތައް ވަނީ ފިނޭންސް މިނިސްޓްރީގެ ދަށަށް ބަދަލުކުރައްވާފައެވެ.
