އާދޭހެވެ! ޒަމާން ބަދަލުވެ އެކިރޮގުތަކުން ޑޮކްޓަރޭޓު ކަމާއި މާސްޓަރ ކަމާއި ޑިގްރީ އާއި ޑިޕޮލަމާ ޙާޞިލް ކޮށްގެން ވަޒީފާތަކުގެ އިންތިޒާރުގައި ދުވަސްތައް ގުނަގުނާ ތިބި ރާއްޖޭގެ އެތަށްހާސް ޢިލްމީ ޒުވާނުން އެވަނީ ދައުލަތުގެ ވަޒީފާގެ ބާޒާރުގައި ސަރުކާރުން ބާކީކޮށްފައެވެ.

ކަން މިހެން ހުރިއިރު މަދުރަސާއެއް ހުރި މަގަކުންވެސް ހިނގާފައިނުވާ ފަސްބައި ކިލާ މީހުން ތަކެއް އެވަނީ ދިވެހިރައްޔުތުން ވެރިކަން ކުރަން ޙަވާލުކުރި މި ސަރުކާރުގެ މައްޗަށް އަތްގަދަ ކޮށްފައެވެ. ގައުމު ހިފާފައެވެ. އެހެން ކަމާއެކު ފެންނަމުން ދަނީ ގައުމުގެ އިގްތިޞާދު ފުލުންގޮސް ރައްޔިތުން ދަރާ ވިކި ވަގުންގެ ފޮށިތައް ބާރަށް ބަންނަމުންދާ މަންޒަރެވެ. ކިޔަވައިގެން ތިބި ޢިއްޒަތްތެރި ތެދުވެތި ޢިޚުލާޞްތެރި ޝަރަފުވެރި ޒުވާނުންނަށް ގައުމުގެ މާދަމާގެ މުސްތަގުބަލް ބިނާކުރުމުގެ ފަޚުރުވެރި ޝަރަފު ލިބުމުގެ ނަޞީބާއި ފުރުޞަތު ގެެއްލުވާލާ ވައްކަމާއި ފަސާދައަށް
ވަޒީރުންނާއި ކުންފުނިތަކުގެ އެމްޑީންނަކީ ރަމްޒީ މަގާމުތަކެއް ފުރުއްވާ ވެރިންތަކެއްގެ ގޮތުގައި ކަނޑައެޅި އެންމެހައި ވުޒާރާތަކާއި މިނިވަން މުސްތަގިއްލު އިދާރާތަކާއި ރާއްޖޭގެ ޝަރުޢީ ނިޒާމާއި އަދި އެންމެހައި ތަޙުގީގީ އިދާރާތަކުގެ މައްޗަށް އަމުރު މަޢުރޫފުހިންގާ ފަރާތަކީ ސީދާ ރައީސުލް ޖުމްހޫރިއްޔާ ކަމުގައި ހަމަޖެހި ނިމިއްޖެކަހަލައެވެ.

ދައުލަތުގެ ވެރިންނާއި ވުޒާރާތަކާއި، މިނިވަން އިދާރާތަކާއި، ދައުލަތުގެ ތިންބާރު ކޮންޓްރޯލް އޮތީ ރައީސުލް ޖުމްހޫރިއްޔާގެ އަތް ޕުޅުގައޭ ވެރިކަން ކުރާ ޕާޓީއަށް ވިކިފާތިބި ބައެއް މެމްބަރުން ބުނަންފަށައި ފިއެވެ. އެހެން ކަމުން ވަޒީރަކަށް ވިޔަސް އެމްޑީއަކަށް ވިޔަސް ތަޢުލީމެއް ތަރުބިއްޔަތެއް ހުރުމަކީ މިއަދު ދިވެހީންނަށް އެހާ ލާޒިމް ކަމެއް ނޫނެވެ. ކޮންމެ ފަރާތަކުންވެސް ތަންފީޒު ކުރަންވީ ރައީސުލްޖުމްހޫރިއްޔާގެ އަމުރެވެ. ނުވަތަ ރުހިވަޑައިގެންފާނެ ގޮތަކަށެވެ. ގާނޫނެއް ގަވާއިދެއް މާ މުހިންމެއްނޫން ނޫނެވެ.

ދައުލަތުގެ އެއްވެސް ކަމެއް ރައީސުލްޖުމްހޫރިއްޔާ ގަބޫލުފުޅު ނޫން ގޮތަކަށް ނިންމުމުގެ ބާރެއް އެއްވެސް ފަރާތެއްގެ އަތުގައި ނުއޮންނާނެއެވެ.
ގާނުއަސަސީ ބަދަލުކޮށްގެން ވިޔަސް ނުކޮށްވިޔަސް ރައީސުލްޖުމްހޫރިއްޔާ ބޭނުންފުޅު ކޮންމެ ކަމެއް ބޭނުންފުޅު އިރަކު ތަންފީޒު ވަމުން ދާނެއެވެ.
ހިތަށް އަރަނީ ރާއްޖޭގައި ދިރިހުރި ރައްޔިތަކު އެބަހުރިބާވައެވެ.
މިހެން ހިތަށް ނައަރާވަރެއް ނޫންތާއެވެ. ރައްޔިތުން ދެފައިތަޅާ ރޯންޖެހޭ ހިސާބަށް ގައުމުގެ ކަންކަން ބޮއްސުން ލައިފިއެވެ.
އަނބިދަރިން ބަނޑަށް ޖެހި ކާއެތިކޮޅުވެސް ގަނެވޭނެ ގޮތެއް މިހާރަކު ނެތެވެ. އާފަލެއް ވެސް 10 ރުފިޔާއަށެވެ. ދަރިފުޅު ރޮނީއެވެ. މައިން ބަފައިންވެސް ރޮނީއެވެ.

އެހެން ދީންތަކަށް އިންސާނާ ވާޞިލްވަނީ އިންސާނާކުރާ ޢަމަލްތަކުގެ ސަބަބުންނޭ ބުނެތެވެ. ސަރުކާރުގެ ބައެއް މަގާމްތައް ފުރުއްވާ ބައެއް ބޭފުޅުން ފައިސާގެ ދަހިވެތި ކަމަށްޓަކާ ދޮގުހެކިދެމުންވެސް އެބަދެެއެވެ.
ރައްޔިތުންގެ މަޖިލީހަށް ނިސްބަތްވާ ބައެއް މެންބަރުންނަށް ފައިސާދިނުމުން އެބައިމީހުންނާއި ޙަވާލުކޮށްފައިވާ ރައްޔިތުންގެ ޙައްގުތައް އެބަ ވިއްކާލައެވެ. މިއީ މުސްލިމް އުންމަތެއްގެ ސިފަގެއްލެމުން ދާކަމުގެ އަލިގަދަ ހެއްކެކެވެ. ފައިސާހުންނަ މީހުން އެބައިމީހުން ކޮށްފައިހުންނަ ވައްކަމާއި ފަސާދައިގެ ޢަމަލްތަކުން ބަރީއަ ވުމަށްޓަކައި ނިކަމެތި ރައްޔިތުމީހާ ގުއިރޯނުގައި ޖައްސާ އެމީހާގެ ސުވަރުގެ އެމީހާއަތުން ވިއްކުވާލާ އެމީހާއަށް ނަރަކަ ގަނެދެމުން ދިއުމަކީ ގައުމަކުން އިސްލާމް ދީން ފޮހެލުމުގެ މަސްދަރު ނޫންތޯއެވެ.
ދިވެހިންނަކީ ކުރީގެ ޒަމާންތަކުގައި ވައްކަމާއި ދެކޮޅު ރިޝްވަތުގެ ހަޑިމުޑުދާރު ޢަމަލްތައް ކޮށްއުޅުނު ބައެއް ނޫނެވެ. އެހެނަސް މިފަހަކަށް އައިސް ދަރިފުޅު މަންމައަށް ބައްޕައަށް މަސައްކަތެއް ކޮށްލައިދެނީވެސް އެބައިމީހުންގެ އަތުން ހަދިޔާއެއް ނުވަތަ ސައެއް އަތުލާފައެވެ. މި ގައުމަށް މިވީ ކީއްބާއެވެ؟
ޢިލްމަކީ ކިޔަވާފައި ހުއްޓަސް އޭގެ ބޭނުން ކުރަމުން ނުދާނަމަ ހަނދާންނެތި ދާއެއްޗެކެވެ.
އެހެން ކަމާއެކު ގައުމު އިސްލާޙުކުރުމަށް އަވަސް ފިޔަވަލުތަކެއް އެޅުމަކީ ކޮންމެ ރައްޔިތެއްގެ ފަރުދީ ޒިންމާއެއް ކަމުގައި ވެއްޖެއެވެ.