ޢަބްދުއްރަޙްމާނުގެ މަރުގެ މައްސަލާގައި 3 މީހަކު ހައްޔަރުކޮށްފި

Loading

August 21, 2025
profile
Facebook
Twitter
WhatsApp

އއ. މާޅޮހުގައި ޒަޚަމްތަކަކާއެކު އޮއްވާ ފެނުނު ޢަބްދުއްރަޙުމާން އާދަމްގެ މަރުގެ މައްސަލާގައި ތުހުމަތުކުރެވޭ ތިން މީހަކު ހައްޔަރުކޮށްފައި ވާކަމަށް ދިވެހި ފުލުހުންގެ ޚިދުމަތުން ބުނެފިއެވެ.

އޭނާއަށް ހަމަލަދީ ޒަޚަމްކޮށްލާފައިވަނީ އޭނާގެ ގޭގައި ނިދާފައި އޮއްވައެވެ. އޭނާ ނިޔާވެފައިވަނީ ލިބިފައިވާ ޒަޚަމްތަކަށް ފަރުވާދެމުން ދަނިކޮށް، މިދިޔަ ޖުލައި މަހުގެ 13ވަނަ ދުވަހުއެވެ.

ޢަބްދުއްރަޙްމާނުގެ މަރުގެ ތަޙުޤީޤަށްޓަކައި ވަނީ އޭނާގެ ހަށިގަނޑުގެ އޮޓޮޕްސީއެއް ހަދާފައެވެ. އޮޓޮޕްސީގެ ނަތީޖާ ދައްކާގޮތުން އޭނާ ނިޔާވެފައިވަނީ ބޮލަށް ލިބުނު އަނިޔާގެ ސަބަބުން ކަމަށް ފުލުހުން ހާމަކޮށްފައިވެއެވެ.

މި ހާދިސާގެ ތަޙުޤީޤަށްޓަކައި ފުލުހުންގެ ޓީމެއް ދުވަސްތަކެއް ވަންދެން އެ ރަށުގައި ހަރަކާތްތެރިވެ، ރަށަށް އަރާފައިބާ މީހުން މޮނީޓަރުކޮށްފައިވެއެވެ.

މި މައްސަލައިގެ ތުހުމަތުގައި މިއަދު ހައްޔަރުކުރި ތިން މީހުންގެ ތަފުސީލެއް ފުލުހުން އަދި ހާމަކޮށްފައެއް ނުވެއެވެ.

Loading

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް