ޒުވާނުންގެ ކަންކަމުގައި ރައީސަށް ލަފާއަރުވާ ބޯޑުން ޢަބްދުﷲ މާހިލް ޝަހީމް އިސްތިއުފާދެއްވައިފިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް މާހިލް ފޮނުއްވި އިސްތިއުފާގެ ސިޓީގައި ވިދާޅުވެފައިވަނީ، ތަޢުލީމު ހާސިލުކުރައްވައި ނިންމެވުމަށްފަހު ޤައުމަށް އުމަށް ޚިދުމަތްކުރައްވާނެ ކަމަށެވެ.
ޒުވާނުންގެ ކަންކަމުގައި ރައީސަށް ލަފާ އަރުވާ ބޯޑުން މާހިލް އިސްތިއުފާ ދެއްވާފައި މި ވަނީ މިދިޔަ ބުރާސްފަތި ދުވަހު މެލޭޝިއާއިން ރާއްޖެ ވަޑައިގަތްއިރު އޭނާގެ ލަގެޖުން ވޭޕް ސާމާނުތަކެއް ފެނުނުކަމުގެ ޚަބަރުތައް ފެތުރިފައި ވަނިކޮށެވެ.
ވޭޕް ސާމާނު ރާއްޖެއަށް އެތެރެކުރުމާއި ބޭނުންކުރުންވެސް މި ސަރުކާރުން ވަނީ މިދިޔަ އަހަރުގެ ނޮވެމްބަރު މަހުން ފެށިގެން މަނާކޮށްފައެވެ.
2 Responses
މިސޮރުވެސް ޑިޕްލޮމެޓިކް ވަޒީފާއެއް ހޯދަދީ ޑިޕީއެލް ޕާސްޕޯޓެއް ބައްޕާފުޅުގެ ހެޔޮކަމުން ހޯއްދަވައިދެއްވުމުން އެބޭނުންކޮށްގެންވެސް އެކުރީ ވައްކަމެވެ. ދެން ބުނާނީ ކީކޭތޯއެވެ. ބައްޕާފުޅު ކުރީގައި ރަނުގެ ވަގުވިިޔާރާރިއެއް ކުރިޔޭވެސް ކިޔެވެ. ނަމަވެސް އެއީ އެމްޑީޕީ ކިޔަމުން ދިޔަ ވާހަކައެއްވީމާ ގަބޫލެއް ނުކުރެވުނެވެ. މިހާރު ދަރިސޮރު މިދަރަޖައަށް ވެއްޓުނީމާ ދެކަންވެސް ގަބޫލުކޮށްފީމެވެ. ގިނައިން ދަރިން މުއްސަދިވާން ބޭނުންކުރާނީ ބައްޕަގެ އުކުޅުތަކާއި ސިޔާސީ ގުޅުންތަކޭ ބުނެ އުޅޭއަޑު އަހަމެވެ.
އޭނާ ރަނގަޅުތާ ބޭރުކޮށްނުލަނިސް އިސްތިޢުފާ ދެއްވިކަން. ރައީސް ވަރަށް ކޯފާވާނެ ވޭޕް ބޮއިގެން ސަކަރާތް ޖަހަންޏާ. ހަކުރުން ފޮނިބޮޔަސް ރައީސް އެހާ ކޯފާއެއް ނުވާނެއެވެ. އަދި ސިނގިރެޓާއި ބިޑި އަނބުރައިގެން ބޮޔަސް އެހާ ރުންކުރުވެވަޑައެއް ނުގަންނަވާނެއެވެ. ވާޕޭ މީހަކު ކިޔައިގެންވެސް ނުވާނެއެވެ. ހޯ ހޯ