ލ. ކައްދޫގައި ރޭ ހިނގި އެކްސިޑެންޓުގައި އަނިޔާވި އުމުރުން 64 އަހަރުގެ އަންހެންމީހާ ނިޔާވެއްޖެއެވެ.
ރޭ 7.15 ހާއިރު ހިނގި މި އެކްސިޑެންޓު ހިނގާފައިވަނީ، ކައްދޫ އެއާޕޯޓު ކައިރިން ކަފިހިހުރަސް މަތިން މަގު ހުރަސްކުރަން އުޅުނު ބައެއްގެ ގައިގައި ސައިކަލަކުން ޖެހިގެން ކަމަށް މަޢުލޫމާތު ލިބެއެވެ.
އެ އަންހެންމީހާ ނިޔާވެފައިވަނީ ލިބުނު އަނިޔާތަކަށް ހޮސްޕިޓަލުގައި ފަރުވާދެމުން ދަނިކޮށެވެ.
މި ހާދިސާގައި އެ އަންހެންމީހާގެ އިތުރުން، އޭނާގެ މާމަދަރިފުޅާއި، ސައިކަލު ދުއްވަން އިން ފިރިހެންމީހާއާއި ސައިކަލު ފަހަތުގައި އިން އަންހެންމީހާއަށް ހޮސްޕިޓަލުން ވަނީ ފަރުވާދީފައެވެ.
