މިދިޔަ ޖުލައި 6ވަނަ ދުވަހު ލ. ގަމުގައި ހިނގި އެކްސިޑެންޓެއްގައި އަނިޔާވި އަންހެނަކަށް ފަރުވާދެމުން ދަނިކޮށް ނިޔާވެއްޖެއެވެ.
މި އެކްސިޑެންޓު ހިނގީ ލ. ފޮނަދޫން ގަމަށް ދިޔަ ސައިކަލެއް، މަގުމަތީގައި ހުރި ހޮޅިދަނޑިއެއްގައި ޖެހިގެންނެވެ.
މި އެކްސިޑެންޓުގައި އަނިޔާވީ އެ ސައިކަލުގައި ތިބި ދެ އަންހެނުންނަށެވެ.
މަޢުލޫމާތު ލިބިފައިވާގޮތުގައި، ނިޔާވެފައިވަނީ ކ. ގުރައިދޫ އަންހެނެކެވެ. އޭނާ ނިޔާވެފައިވަނީ އިތުރު ފަރުވާއަށް މާލެ ގެނެސް އައިޖީއެމްއެޗުގައި ފަރުވާދެމުން ދަނިކޮށް، މިއަދުގެ ވަގުތެއްގައެވެ.
