ހުޅުމާލޭގައި ބާރު ސްޕީޑުގައި ނުރައްކާތެރިކޮށް ދުއްވަމުންދިޔަ ކާރެއް މަޑުކުރަން އެންގުމުން، ފުލުހުންގެ ސައިކަލެއްގައި ޖައްސައި ވައްޓާލައިފިއެވެ.
ދިވެހި ފުލުހުންގެ ޚިދުމަތުން ބުނީ، ކާރު މަޑުކުރަން އެންގުމުން އަމުރަށް ނުކިޔަމަންތެރިވެ، ހުޅުމާލެ 1އާއި ހުޅުމާލެ 2ގައި ދުއްވި ކަމަށެވެ. އަދި ކާރުގެ ފަހަތުން އެ ވަގުތު ދިޔަ ފުލުހުންގެ ސައިކަލުގައި ޖައްސައި ވައްޓާލި ކަމަށެވެ.
މި ހާދިސާގައި ސައިކަލުގައި އިން ފުލުހަކަށް އަނިޔާވެގެން ހޮސްޕިޓަލުގައި ފަރުވާދެމުން ދާކަމަށް ފުލުހުން ބުނެއެވެ.
ފުލުހުން ބުނީ، ހުޅުމާލޭގައި ހުންނަ ދިރާގު އޮފީހާ ހިސާބުން ހުޅުމާލެ 2ގެ ޗެނަލް ބްރިޖު ކައިރިން ކާރު ހުއްޓުވައި، އޭގައި ތިބި އަންހެނަކާއި ފިރިހެނަކު ހައްޔަރުކޮށްފައި ވާކަމަށެވެ.
