މާލޭގެ ތިން ސަރަހައްދަކުން މިއަދު ކަރަންޓު ކެނޑިދާނެކަމަށް، ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން ބުނެފިއެވެ.
ސްޓެލްކޯއިން ބުނީ އެ ކުންފުނީގެ ކަރަންޓު ވިއުގައިގެ މަސައްކަތެއް ކުރުމަށް ހަމަޖެހިފައިވާތީ، މިއަދު މާލޭގެ ތިން ސަރަހައްދަކުން ކަރަންޓު ކެނޑިދާނެ ކަމަށް ބެލެވޭ ކަމަށެވެ.
މިގޮތުން ކަރަންޓު ކެނޑޭނެ ކަމަށް ބެލެވޭ ސަރަހައްދުތަކަކީ:
* ބޮޑުފުޅައްގޯޅި ހިމެނޭ ސަރަހައްދު. (10:00އާ 12:00އާ ދެމެދު)
* މުނިޔާމަގާއި ޝާރިޢުވަރުދީ ހިމެނޭ ސަރަހައްދު. (14:00އާ 16:00އާ ދެމެދު)
* ފާށަނާކިލެގެމަގު، އަލިކިލެގެފާނުމަގު، ބަނަފްސާގޯޅި، ބޮޑުފުޅައްގޯޅި، ބޮޑުރަސްގެފާނުމަގު، ހަލަވެލިގޯޅި، ހަނދުވަރުދޭހިނގުން، ހެލެނބެލިގޯޅި، ހުސްނުހީނާމަގު، މަޖީދީމަގު، ނިޔަނދުރުގޯޅި، ރަށްދެބައިމަގު، ރަތްވިލާމަގު، ސަބުދެރިޔާމަގު އަދި ސަހަރާމަގު ހިމެނޭ ސަރަހައްދު. (10:00އާ 10:30އާ ދެމެދު)
