ގަލޮޅު ޔޫތު ސެންޓަރުގައި ހުންނަ، މޯލްޑިވްސް ބޮޑީބޯޑިންގ އެސޯސިއޭޝަން (އެމްބީބީއޭ)ގެ އޮފީސް ފަޅާލައި ވައްކަންކޮށްފިކަމަށް އެ އެސޯސިއޭޝަނުން ބުނެފިއެވެ.

އެ އެސޯސިއޭޝަނުން ބުނީ، ވައްކަންކޮށްފައިވަނީ ރޭ ދަންވަރާއި ހެނދުނާ ދެމެދުގެ ވަގުތެއްގައި ކަމަށެވެ.

އެތަން ފަޅާލައި ވަގަށް ނަގާފައިވާ ތަކެތީގެ ތެރޭގައި؛ ޑެލް އިންސްޕިރޯން ”15 ލެޕްޓޮޕަކާއި، ލެނޯވޯ 4 ޓެބްލެޓާއި، 2 ހާޑް ޑިސްކާއި، ސެމްސަންގް ފޯނަކާއި އެނޫންވެސް ބައެއް ސަާމާނު ހިމެނޭކަމަށް އެ އެސޯސިއޭޝަނުން ބުނެއެވެ.

މި ތަކެތި ވިއްކަން އުޅޭކަން، ނުވަތަ އެނޫންވެސް ގޮތަކުން މި ތަކެއްޗާބެހޭ މައުލޫމާތެއް ލިބިއްޖެނަމަ ވީ އެންމެ އަވަހަކަށް 9666918 ނުވަތަ 9499553 އަށް އަންގާލަދިނުމަށް މޯލްޑިވްސް ބޮޑީބޯޑިންގ އެސޯސިއޭޝަނުން ވަނީ އެދިފައެވެ.