މައްކާ ރޫޓް ރަސްމީކޮށް ލޯންޗުކުރުން މި މަހުގެ 26 ވަނަ ދުވަހު ވެލާނާ އިންޓަރނޭޝަނަލް އެއަރޕޯޓުގައި އޮންނާނެ ކަމަށް އިސްލާމިކް މިނިސްޓްރީން ބުނެފިއެވެ.
އެ މިނިސްޓްރީން ބުނީ މި ޙަފްލާއަށް ސަޢޫދީ ޢަރަބިއްޔާގެ މަތީފެންވަރުގެ ވަފުދެއް ވަޑައިގަންނަވާނެ ކަމަށެވެ.
ޙައްޖުވެރިން ފުރުމުގެ އިންތިޒާމުތަކާއި މައްކާ ރޫޓް ތަންފީޒުކުރުމުގެ ތައްޔާރީތަކަށް، ސަޢޫދީ ޢަރަބިއްޔާގެ ފޮރިން މިނިސްޓްރީއާއި ޙައްޖު މިނިސްޓްރީއާއި އިމިގްރޭޝަނުގެ މަތީފެންވަރުގެ ޓީމެއްވެސް ވަނީ ރާއްޖެވަޑައިގެންފައެވެ.
ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިރުޝާދުގެ ދަށުން، ދިވެހި ޙައްޖުވެރިންނަށް ދޭ ޚިދުމަތްތައް ކުރިއަރުވައި ހަރުދަނާ ކުރުމަށް އިސްލާމިކް މިނިސްޓްރީން ދަނީ ގިނަ މަސައްކަތަކެއް ކުރަމުންނެވެ.
