ހުޅުމާލޭގައި ކުޑަކުއްޖަކު އުރައިގެން މަގު ހުރަސްކުރަން އުޅުނު އަންހެނެއްގެ ގައިގައި ސައިކަލަކުން ޖެހި އެކްސިޑެންޓެއް ހިނގައިފިއެވެ.
މި އެކްސިޑެންޓު ހިނގާފައިވަނީ މިއަދު ހެނދުނުގެ ވަގުތެއްގައެވެ.
މީސްމީޑިއާގައި ދައުރުވަމުންދާ ވީޑިއޯއަކުން ފެންނަގޮތުގައި އަންހެންމީހާ މަގު ހުރަސްކުރަސްކުރަމުން ދަނިކޮށް ދުއްވާފައި އަންނަ ސައިކަލަކުން އޭނާގެ ގައިގައި ޖެހެއެވެ. އަދި އަންހެންމީހާއާއި ކުޑަކުއްކުއްޖާގެ އިތުރުން ސައިކަލު ދުއްވަންއިން މީހާވެސް ވެއްޓެއެވެ.
މި ހާދިސާގައި ހިމެނޭ ތިން މީހުންނަށްވެސް އެކިވަރުގެ އަނިޔާ ލިބިފައިވާއިރު އެންމެންނަށްވެސް ހުޅުމާލޭ ހޮސްޕިޓަލުން ފަރުވާދީފައިވާ ކަމަށް މަޢުލޫމާތު ލިބެއެވެ.
