ކުރިއަށް އޮތް ތިން ދުވަހު ރާއްޖޭގެ މޫސުން ގޯސްވާނެ ކަމަށް ލަފާކުރެވޭކަމަށް މޫސުމާބެހޭ ގައުމީ އިދާރާއިން ބުނެފިއެވެ.
އެ އިދާރާއިން މަޢުލޫމާތު ދޭގޮތުގައި، ކުރިއަށް އޮތް ތިން ދުވަހު ރާއްޖޭގެ އެކި ހިސާބުތަކަށް ވިއްސާރަކޮށް، ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވެއެވެ. މީގެއިތުރުން ވައިގަދަވެ ކަނޑުތައްވެސް ގަދަވާނެކަމަށް ވަނީ ލަފާކޮށްފައެވެ.
އެހެންކަމުން މޫސުމަށް ސަމާލުވުމަށާއި، މޫސުމާބެހޭ މަޢުލޫމާތު އަދާހަމަކުރުމަށް އެ އިދާރާއިން ވަނީ އިލްތިމާސްކޮށްފައެވެ. މިގޮތުން އެ އިދާރާގެ ޑިއުޓީ ފޯކާސްޓަރ ނަންބަރު 3323084 އަށް ގުޅައިގެން މަޢުލޫމާތު ސާފުކުރެވޭނެކަމަށް އެ އިދާރާއިން ބުނެއެވެ.
