ނ. ހޮޅުދޫގައި ޒަހަމްތަކަކާއެކު މަރުވެފައި އޮއްވާ ފެނުނު ޒަކިއްޔާ މޫސާގެ ވާޗުއަލް އޮޓޮޕްސީ ހަދައިފިއެވެ.
ބޮޑެތި ޒަހަމްތަަކަކާއެކު ހޮޅުދޫގައި މިދިޔަ އަހަރުގެ ސެޕްޓެމްބަރު މަހުގެ 10 ވަަނަ ދުވަހު މަރުވެފައި އޮއްވާ ފެނުނު އެ ރަށު މާރަނގަގޭ ޒަކިއްޔާ މޫސާ 50އ ގެ ހަށިގަނޑު ތަހުލީލުތައް ކުރުމަށްފަހު އަނބުރާ އެ ރަށަށް ގެންގޮސް ވަޅުލީ އޮޓޮޕްސީ ނަހަދައެވެ.
ޒަކިއްޔާ މަރުވެފައި އޮއްވާ ފެނުނު އިރު އޭނާގެ ގައިގައި ބޮޑެތި ޒަހަމަތަކެއް ހުރިއިރު ކައިރީގައި ވަޅިއެއް އޮތް ކަމަށް ފުލުހުން އޭރު ބުނެފައި ވެއެވެ.
މިހާތަނަށްވެސް ޒަކިއްޔާގެ މަރުގެ ހަގީގަތް ހޯދިފައި ނުވާތީ ގިނަ ބަޔަކު އަންނަނީ ކަންބޮޑުވުން ފާޅު ކުރަަމުންނެވެ.
އެނގިފައިވާ ގޮތުގައި ޒަކިއްޔާ މަރުވެފައި އޮއްވާ ފެނުނު ސަރަހައްދުން ނެގި ފޮޓޯތަކާއި ލިބިފައިވާ ޒަހަމްތައް ބަލާ ދިރާސާކުރުމަށްފަހު އޭނާގެ ވާޗުއަލް އޮޓޮޕްސީ ހަދާފައި ވަނީ ފުލުހުން ޓީމެއް އިންޑިއާއަށް ގޮސްގެންނެވެ.
