ޒަމާނުގެ ތަރައްގީއާއެކު އަޅުގަނޑުމެން ދިވެހިންގެ ތެރެއިންވެސް ބައެއްމީހުންގެ ފުދުންތެރިކަން އިތުރުވެ ކުރިން ޗުއްޓީ ހޭދަކޮށްލަން ގޮސް އުޅުނު އޮޅުދޫ ކަރައާއި އުތުރުކަރައިގެ ބަދަލުގައި ޔޫރަޕާއި އެމެރިކާގެ ކަންކޮޅުތައް އިޚްތިޔާރު ކުރުން މިހާރު މިއޮތީ އާންމުވެފައެވެ.
އެމެރިކާގައި ދިރިއުޅޭ ކޮންމެ އެއްލައްކަ މީހެއްގެ ނިސްބަތުން މީހުން މެރުމާއި މިލްކިއްޔާތު ފޭރުމުގެ ކުށުގެ ރެކޯރޑް އެންމެ ގިނަ ޝަހަރުތައް އެފް ބީ އައި އިން ދާދި ފަހުން ވަނީ ޢާންމު ކޮށްފައެވެ. 2025 ވަނައަހަރު އެމެރިކާގައި ދިރިއުޅުން އެންމެ ނުރައްކާތެރި ޝަހަރުތައް އެ ރިޕޯރޓްގައި ވަނީ ހާމަކޮށްފައެވެ. އެ ޝަހަރުތަކުގައި ދިރިއުޅޭ ހަމަކޮންމެ މީހަކުވެސް އެ އިން ކުށެއްގެ ޝިކާރައަކަށްވުމުގެ ބިރުވެރިކަން އިންތިހާއަށް ބޮޑުކަމުގައި ގަބޫލުކުރަން ޖެހެއެވެ.
އެމެރިކާގައި އާންމުގޮތެއްގައި ރޭގަނޑުގެ މަޖާކުރުންތައް އެންމެ ގިނައީވެސް މި ޝަހަރު ތަކުގައެވެ.
ލިސްޓުގެ އެންމެ ކުރީގައި އުޅެނީ ޓެނެސީގެ މެމްފިސް އެވެ. މިއީ އެމެރިކާގެ ދެކުނުގެ ރީތިކަމާއި ހިތް ގައިމުކަން ތަމްސީލުކޮށްދޭ ޝަހަރެކެވެ. ދިރިއުޅުމުގެ ޚަރަދުތައް އެންމެ އަގުހެޔޮ ޝަހަރުތަކުގެ ތެރޭގައި ހިމެނޭ ޝަހަރެކެވެ. އެހެންނަމަވެސް މިލްކިއްޔާތު ފޭރުމުގައި މިއީ އެމެރިކާގައި އެންމެ ނުރައްކާތެރި ޝަހަރެވެ. މި ޝަހަރުގައި ދިރިއުޅެން ގަސްދުކުރާނަމަ ޝަހަރުގެ ޑައުންޓައުނާއި ފްރޭޒަރ އަދި އުތުރު ސަރަހައްދުތަކުން ދުރުހެލިވާން ޖެހޭނެއެވެ.
ޓެނެސީގެ މެމްފިސްގެ ފޮޓޯއެއް
ލިސްޓުން 2 ވަނައަށް ފާހަގަ ކުރެވެނީ މިސޯރީގެ ސެއިންޓް ލުއިސް އެވެ. މި ޝަހަރުގެ މަޝްހޫރު ކަމާހުރެ މިއީ ރައްކާތެރި ޝަހަރެއްކަމުގައި ދުށުމަކީ ވަރަށް ގާތްކަމެކެވެ. އެހެންނަމަވެސް މި ޝަހަރުގައި ދިރިއުޅޭ ކޮންމެ 1000 މީހެއްގެ ތެރެއިން 87 މީހަކު ވަނީ ދަތްދޮޅިން އަތް ނުނެއްޓޭވަރުގެ ނުރައްކާތެރި ހާދިސާތަކާ ކުރިމަތިލާން ޖެހިފައެވެ. މި ޝަހަރުގައިވެސް އުތުރުގެ ސަރަހައްދުތަކާއި ޑައުންޓައުނަކީ އެންމެ ނުރައްކާޔެރި ތަންތަނެވެ.
މިސޯރީގެ ސެއިން ލުއިސްގެ ފޮޓޯއެއް
ލިސްޓުގެ 3 ވަނައަށް އޮތީ މިޝިގަންގެ ޑެޓްރޮއިޓްވެ. 2 ވަނަ ބޮޑު ހަނގުރާމައިގެ ކުރިން މި ޝަހަރުގައި ދެ މިލިއަނެއްހާ މީހުން ދިރިއުޅުނު ކަމަށްވެއެވެ. 2013 ގައި މިޝަހަރު ބޭންކްރަޕްޓް ވުމާގުޅިގެން ކުށްކުރުން އިންތިހާއަށް ގިނަވެ ނިސްބަތުން ކޮންމެ 1000 މީހެއްގެ ތެރެއިން 66 މީހުންނަކީ މި ނުރައްކާތެރި ވެށީގެ ޝިކާރައަކަށް ވަނީ ވެފައެވެ.
މިޝިގަންގެ ޑެޓްރޮއިޓްގެ ފޮޓޯއެއް
ލިސްޓުގެ 4 ވަނައަށް ބުނެފައިވަނީ އަލަބާމާގެ ބާރމިންހަމް އެވެ. ބާރމިންގހަމް ގައި ދިރިއުޅުމަށް ވަރަށް ގިނަ ބަޔަކު ޝައުގުވެރިކަން ފާޅު ކުރެއެވެ. އެ ޝަހަރުގެ މަޝްހޫރު ރެޑް މައުންޓަން ޕާރކް އަށް އަރާ ފޭބުމާއި އަދި ކޮންމެ އަހަރަކު ބޭއްވޭ ސައިޑް ވޯލްކް ފިލްމު ފެސްޓިވަލް އަކީ ގިނަ ބައެއްގެ ހިތް ދަމައިގަންނަ ހަފްލާތަކެކެވެ. އެކަމަކު ގިނަބަޔަކަށް މި ޝަހަރުގެ ނުރައްކާތެރިކަން އަންދާޒާ ނުކުރެވޭ ކަހަލައެވެ. މި ޝަހަރުގައި ދިރިއުޅޭ މީހުންގެ ތެރެއިން ކޮންމެ 1000 މީހުންގެ ތެރެއިން 60 މީހުންނަކީ އެ ނުރައްކާތެރި ހާދިސާތަކުގެ ގެއްލުމާއި އަނިޔާ ތަހަންމަލް ކުރަން ޖެހިފައިތިބި މީހުންނެވެ. ވައްކަން ކުރުމާއި މަގުމަތިން ފޭރުމަކީ މި ޝަގަރުގެ ބައެއް ހިސާބުގައި ވަރަށް އާންމުކޮށް ހިނގާ ކަންތަކެވެ.
އަލަބާމާގެ ބާރމިންގހަމްގެ ފޮޓޯއެއް
ލިސްޓުގައި 5 ވަނައަށް އޮތީ އަރްކަންސާސްގެ ލިޓްލް ރޮކް އެވެ. މި ޝަހަރުގައި ގުދުރަތީ ގޮތުން އެއްވެސް ޚާއްސަ ރީތިކަމެއް ލިބިފައި ވެއެކޭ ނުބުނެވޭނެއެވެ. މި ޝަހަރުގައި ދިރިއުޅޭ މީހުންގެ ތެރެއިން ކޮންމެ 1000 މީހެއްގެ ތެރެއިން މަދުވެގެން 72 މީހުންނަކީ ބޮޑެތި އަނިޔާއާއި ވައްކަމުގެ ހިތި ރަހަ ތަޖްރިބާ ކުރަން ޖެހިފައިވާ ބައެކެވެ. މިފަހަކަށް އައިސް މި ޝަހަރުގެ ނުރައްކާތެރިކަން 193 އިން ސައްތައަށް ވަނީ އުފުލިފައެވެ. އެމެރިކާގެ ޝަހަރުތަކުގެ ނިސްބަތުން މި ސަރަހައްދުގެ ދިރިއުޅުމުގެ ރައްކާތެރިކަން އަންދާޒާލޮށްފައިވަނީ ހަމައެކަނި 1 އިން ސައްތަ ކަމުގައެވެ.
އަރްކާންސްގެ ލިޓްލް ރޮކްގެ ފޮޓޯއެއް
ލިސްޓުގެ 6 ވަނައަށް އޮތީ ނިއު އޯލިއަންސްގެ ލޫޒިއާނާއެވެ. މި ޝަހަރުގެ ބާރބޯން ސްޓްރީޓްގައި ހިނގާލުމާއި އަދިވެސް ހިތްދަމައިގަންނަ ގިނަ ކަންތަކެއް ހުރުމާއެކުވެސް މި ހިސާބުގައި ދިރިއުޅުން ވަނީ ބިރުވެރިކަމުން ފުރިފައެވެ. ތަފާތު ގޭންގުތަކުން އިންސާނުންގެ ފުރާނައަށް ބިރުހުރި އަނިޔާވެރި ހަމަލާތަކުގެ ޝިކާރައަށް ކޮންމެ 1000 މީހަކަށް 15 މީހުން ވެގެން ދެއެވެ. ވައްކަމާ ފޭރުން އުޅެނީ އާބާދީގެ ނިސްބަތުން ކޮންމެ 1000 މީހަކަށް 47 މީހުންނެވެ. ބަޑިގެ ހަމަލާތަކުގައި ހަމައެކަނި 2022 ވަނައަހަރު 887 މީހުން މަރާލެވުނެވެ.
ނިއު އޯލިއަންސްގެ ލޫޒިއާނާގެ ފޮޓޯއެއް
ލިސްޓުގެ 7 ވަނައިގާ އޮތީ އޯހައިއޯގެ ކްލައިވްލޭންޑެވެ. ކްލައިވްލޭންޑުގައި ދިރިއުޅުމުގައި އެއްވެސް މިންވަރަކަށް ރައްކާތެރިކަން ޔަގީން ނުކުރެވޭނެއެވެ. ނުރައްކާތެރި ގޭންގުތަކުގެ އަމާޒަކަށް ވުމުގެ ނިސްބަތަކީ ކޮންމެ 61 މީހަކުން 1 އެވެ. މި ސަބަބަށްޓަކައި ކްލައިވްލޭންޑަށް ޒިޔާރަތްކުރާ މީހުންވެސް ވަރަށް މަދުކަން ވަނީ ފާހަގަކުރެވިފައެވެ.
މި ޝަހަރުގައި ލިބެންހުރި ރަނގަޅުވަޒީފާގެ ފުރުސަތުތަކާއި އެންމެ ފެންވަރު ރަނގަޅު ސިއްހީ ޚިދުމަތާއި ތައުލީމު އުގަންނައި ދިނުމުގެ ވަސީލަތްތައް ފާހަގަކުރަންޖެހެއެވެ. އެކަމަކު އަބަދާ އަބަދު ކޮނޑުމަތިން ފަހަތަށް ބަލަންޖެހޭނަމަ އެ ވަސީލަތްތަކާއި ފުރުސަތުތަކަށް އުންމީދުކުރުމުގެ ބޭނުމެއް ނެތެވެ.
އޯހައިއޯގެ ކްލައިވްލޭންޑުގެ ފޮޓޯއެއް
ލިސްޓުގެ 8 ވަނައިގާ އުޅެނީ ކެންސަސް ސިޓީގެ މިސޯރީއެވެ. މިއީ ތަފާތު ކުޅިވަރުތަކާއި އަދި ރައްޓެހިންނާއެކު ރޭގަނޑުގެ ވަގުތުތައް ހޭދަކޮށްލުމުގައި ނަން މަޝްހޫރު ޝަހަރެކެވެ. އެކަމަކު މިއީވެސް އިންތިހާއަށް ނުރައްކާތެރި ޝަހަރެކެވެ. އެމެރިކާގައި އާންމުގޮތެއްގައި ކްރައިމް ރޭޓަކީ ކޮންމެ 1000 މީހަކަށް 2.68 ކަމަށް ވިޔަސް މި ޝަހަރުގައި އެ ނިސްބަތަކީ ގާތްގަނޑަކަށް 12 އެވެ. މީގެ އިތުރުން މިލްކިއްޔާތު ފޭރުމާއި އެއްގަމުގައި ދުއްވާ އުޅަނދު ފަހަރު ވަގަށް ނެގުން އުޅެނީ އިންތިހާއަށް މަތީ ގައެވެ.
ކެންސާސް ސިޓީގެ މިސޯރީގެ ފޮޓޯއެއް
ލިސްޓުގެ 9 ވަނައިގާ އޮތީ ދެކުނު ކެރޯލީނާގެ މާރޓްލް ބީޗެވެ. މިއީ ހަމަހިމޭން ކަމާއެކު އަރާމުކޮށްލައި ގޯލްފް ކުޅެލައި މަޖާކޮށްލައި ހަދަން ރަނގަޅު ސަރަހައްދެއް ކަމުގައި ހީކުރެވިދާނެއެވެ. ހަގީގަތަކީ އެމެރިކާގައި ކްރައިމް ރޭޓް އެންމެ މަތީގައި އުޅޭ ތަނަކީ މިއީއެވެ. އެއީ ކޮންމެ 1000 މީހަކަށް 77 މީހުންނެވެ. ވައްކަމާ ފޭރުން ކޮންމެ 1000 މީހަކަށް 100 އެވެ. މިސަރަހައްދަށް ޒިޔާރަތް ކުރުމުގެ ކުރިން އަދި އެއްފަހަރު ވިސްނާލުން ރަނގަޅުވާނެއެވެ.
ދެކުނު ކެރޯލީނާގެ މާރޓްލް ބީޗްގެ ފޮޓޯއެއް
ލިސްޓުގައި 10 ވަނައަށް އޮތީ ޑެންވަރ ގެ ކޮލޮރާޑޯ އެވެ. މިއީ ފަރުބަދަތަކުގެ ރީތި މަންޒަރުތައް އެކުލެވިފައިވާ ޕިކްނިކް ދަތުރުތަކަށް ވަރަށް ހިތްގައިމު ސަރަހައްދެކެވެ. އެކަމަކު އެ ހިތްގައިމު ކަމުގެ ތެރެއަށް ހިޔަނި އެޅިފައިވާ ނުރައްކާތެރިކަންވެސް އެހާ ބޮޑެވެ.
ޑެންވަރގެ ކޮލޮރާޑޯގެ ފޮޓޯއެއް
ޑެންވަރ ގެ ކޮލޮރާޑޯގައި ވައްކަމާއި މަގުފޭރުން އިންތިހާއަށް ގިނަވެފައިވާއިރު މީހުން މެރުމުގެ ހާދިސާތައް އުޅެނީ ބިރުން ފިތްކަނޑައިގެން ދާ މިންވަރެއްގައެވެ. ހަމައެއާއެކު މި ޝަހަރުގެ ހާލަތު ރަނގަޅު ކުރުމަށްޓަކައި ސަރުކާރުން ކުރަމުންގެންދާ މަސައްކަތް ފާހަގަ ކުރެވެއެވެ.
