ބޭނުންވާ ތަކެތި:
1 ޕިއްޒާ ފުށްގަނޑު
1/2 ޖޯޑު ކުކުޅު (ކުދިކޮށް ކޮށާފައި)
1 ލޮނުމެދު
1/2 ސައިސަމުސާ އަސޭމިރުސް
1/4 ސައިސަމުސާ ލޮނު
1/2 ޖޯޑު ޗިލީ ސޯސް
1 ޓޮމާޓޯ (ތުނިކޮށް ފޮތިކޮށްފައި)
1/2 ޖޯޑު ފެހިކުލައިގެ ބެލްޕެޕަރ (ކުދިގޮޅިއަށް ކޮށާފައި)
ގާނާފައި ހުރި ޗީޒް
1/2 ސައިސަމުސާ ތެޔޮ

ތައްޔާރުކުރާނެ ގޮތް:
ރޮށިފިހާ ތަވާގައި ޕިއްޒާ ފުށްގަނޑު ހޫނުކޮށްލާށެވެ.
ލޮނުމެދު ގާނާލާފައި އަސޭމިރުހާއި ލޮނު އެއަށް އެއްކޮށްލުމަށްފަހު ކުކުޅުކޮޅުތެރެއަށް އަޅައި އެއްކޮށްލާށެވެ. ތަވައަކަށް ތެޔޮފޮދު އެޅުމަށްފަހު ކުކުޅުކޮޅު ރޯފިލުވާލާށެވެ.
ޕިއްޒާ ފުށްގަނޑުގައި ޗިލީ ސޯސް ހާކާލުމަށްފަހު އޭގެމަތީގައި ކުކުޅުކޮޅު އަތުރާލާށެވެ. ބެލްޕެޕަރކޮޅު އޭގެ މައްޗައް އަޅާލުމަށްފަހު މައްޗަށް ޗީޒްކޮޅު އަޅާލާށެވެ.
އަވަން 200 ޑިގްރީއަށް ހޫނުކުރުމަށްފަހު 10 މިނިޓު ވަންދެން އަވަނުގައި ފިހެލާށެވެ.

ނޯޓް:
ޕިއްޒާ އިތުރަށް ކުޅިކޮށްލަން ބޭނުންނަމަ ހިމުންކޮށް ކޮށާފައިހުރި މިރުސް ނުވަތަ ކެޕްސިކަމް ފޮތިކޮށްފައި މައްޗަށް އަޅާލެވިދާނެއެވެ.