އިންޑިޔާގެ ބޮޑުވަޒީރު ނަރެންދުރަމޯދީ ސްރީލަންކާއަށް ކުރައްވާ ތިންދުވަހުގެ ރަސްމީ ދަތުރުފުޅެއްގައި އެގައުމަށް ވަޑައިގެންފިއެވެ. ރޭގެ ވަގުތެއްގައި މޯދީ ވަޑައިގެންނެވުމާއި އެކު ވަނީ ކުލަގަދަ ސަގާފީ ހަރަކާތްތަކާއެކު މަރުހަބާ ދަންނަވާފައެވެ. އެއާޕޯޓުން މޯދީ އަށް މަރުހަބާ ދެންނެވި ވަފްދުގައި އިސް ހަ މިނިސްޓަރުން ހިމެނި ވަޑައިގެންނެވިކަމަށް ޚަބަރު ލިބެއެވެ. އަދި ސްރީލަންކާގައި ދިރިއުޅޭ ގިނަ އަދަދެއްގެ އިންޑިޔާ ރައްޔިތުންވެސް ވަނީ މޯދީ އަށް މަރުހަބާ ދެންނެވުމަށް އެއާޕޯޓަށް ގޮސްފައެވެ.

ސްރީލަންކާއަށް މިކުރައްވާ ދަތުރުފުޅުގައި ނަރެންދުރަމޯދީ، ރައީސް އަނޫރާ ކުމާރަ ޑިސަނަޔަކާ އާ ބައްދަލް ކުރައްވާ ދެގައުމުގެ މުސްތަގްބަލަށްޓަކާ ގުޅިގެން ކުރެވެންހުރި ކަންތައްތަކާ ބެހޭގޮތުން މަޝްވަރާ ކުރެއްވުމަށް ވަނީ ހަމަޖެހިފައެވެ.
މިދަތުރުފުޅުގައި އެންމެ އިސްކަމަކަށް އޮންނާނީ ޤަދީމީ އާސާރުތައްގިނަ ސިޓީއެއްކަމަށްވާ އަނުރާދަޕޫރާ އަށް ޒިޔާރަތް ކުރައްވާ އިންޑިޔާގެ އެހީގެ ގައި ކުރިޔަށް ގެންދިޔަ ތަރައްގީގެ ޕްރޮޖެކްޓް ތަކެއް ރަސްމީކޮން އިފްތިތާހް ކޮށްދެއްވުމެވެ.
ނަރެންދުރަމޯދީ އަކީ ސްރީލަންކާގެ އައުރައީސް ޑިސަނާޔަކަ މަގާމާ ހަވާލުވެ ވަޑައިގެންނެވި ފަހުން ސްރީލަންކާއަށް ރަސްމީ ދަތުރު ފުޅެއްކުރައްވާ ފުރަތަމަ ދުނިޔޭގެ ލީޑަރެވެ. މޯދީ އެންމެ ފަހުން ސްރީލަންކާއަށް ޒިޔާރަތް ކުރައްވާފައިވަނީ 2019 ވަނަ އަހަރުއެވެ.
ނަރެންދުރަމޯދީ ސްރީލަންކާއަށް ވަޑައިގެންނެވީ ތައިލަންޑަށް ކުރެއްވި ރަސްމީ ދަތުރު ފުޅަކަށް ފަހުގައެވެ.ތައިލަންޑްގައި ވެސް މޯދީ ވަނީ ބޮޑުވަޒީރު ޕެޓޮންގޓާން ޝިނަވަޓްރާ އާއި ބައްދަލް ކުރައްވާ އަދި ސަރަހައްދީ ސަމިޓް ބައްދަލް ވުމެއްގައި ބައިވެރިވެ ވަޑައިގެންފައެވެ.