ބޭނުންވާ ތަކެތި:
1 ޖޯޑު ޒުވާރިފުށް (ކޯންފްލާރ)
7 ޖޯޑު ފެން
4 އިންޗީގެ 3 ރާނބާފަތްބުރި
3/2 ޖޯޑު ހަކުރު
2 ޖޯޑު ކާށިހުނި
1 މޭޒުމަތީސަމުސާ ފިނިފެން (ރޯސްވޯޓަރ)
1 ސައިސަމުސާ މުގުރި ފޮނިތޮށި

ތައްޔާރުކުރާނެ ގޮތް:
7 ޖޯޑު ފެނަށް ރާނބާފަތް އަޅައިގެން ކައްކާލާށެވެ. ރާނބާފަތުގެ ކުލަ މުށިކުލައަކަށް އެރުމުން އުނދުންމަތިން ބާލައި ހިހޫކޮށްލަން ބަހައްޓާށެވެ. ހުނީގެތެރެއަށް އެއިން 1 ޖޯޑު ފެން އެޅުމަށްފަހު ހިމުންވަންދެން މިކްސަރުން ގިރާލާށެވެ. ހިމުން ފުރޭންޏަކުން ހުނިތައް ފުރާނާލައި ފެލާލާށެވެ. ރާނބާފަތްތައް ނެގުމަށްފަހު ކާށިކިރުގެ ތެރެއަށް ރާނބާފަތު ފެންފޮދާއި ހަކުރު އަދި ޒުވާރިފުށް އަޅާލާށެވެ. ޒުވާރިފުށް އެޅުމުގެކުރިން ފެންފޮދު އެއްކޮށް ހިހޫވިތޯ ޔަގީންކުރަންވާނެއެވެ. ނޫންނަމަ ފުށް ގަނޑުވާގޮތްވާނެއެވެ.
ރަނގަޅަށް ފުށްކޮޅު ގިރުމުން މަޑުގިނީގައި ކައްކާލާށެވެ. ކައްކާނީ ހުއްޓާނުލައި ދޭފަތުން ހަލުވަމުންނެވެ. ތެލީގައި އެއްވެސް ދިމާއެއްގައި ހިފިޔަނުދީ ވަށައިގެން ދޭފަތުން ހާކަންވާނެއެވެ. އޮލަވަންދެން މިގޮތަށް ކައްކަމުން ގެންދާށެވެ. އޮލަވުމުން އުނދުންމަތިން ބޭލުމަށްފަހު ފިނިފެންފޮދާއި ފޮނިތޮށިކޮޅު އަޅައި ރަނގަޅަށް އެއްކޮށްލާށެވެ.
ފުށްގަނޑު ތަބަކެއްގައި ފަތުރާލުމަށްފަހު ފްރިޖުގައި މަދުވެގެން ގަޑިއެއްހާއިރު ބަހައްޓާށެވެ. ވަޅިން ފޮތިކޮށްގެން ފޮތިނެގޭވަރުވުމުން އެހެރީ ބޯކިބާ ތައްޔާރުވެފައެވެ.

ނޯޓް:
• ފޮނިތޮށި ފުށްގަނޑުތެރެއަށް އެއްނުކޮށް ހަމައެކަނި މައްޗަށްވެސް ބުރުވާލެވިދާނެއެވެ.
• ރަހަމީރުކޮށްލުމަށް، ފޮނިތޮއްޓާއި ފިނިފެނުގެ އިތުރުން ކާފޫރުތޮޅިފަދަ ބާވަތްތައްވެސް ބޭނުންކުރެވިދާނެއެވެ.