ބޭނުންވާ ތަކެތި:
500ގ ފަރުމަސް (ސާފުކޮށްފައި)
ކެރެޓެއްގެ އެއްބުރި
ބެލްޕެޕަރ ފަޅިއެއް (ރީނދޫ ނުވަތަ ފެހިކުލަ)
ކުޑަ ޓޮމާޓޯއެއް
1 ފިޔާ
2 ލޮނުމެދު
1 ހިކަނދިފަތް
3 އިންޗީގެ ރާނބާފަތްކޮޅެއް
2 ތޮޅިމިރުސް
3 އިންޗިހުންނަހާ އިނގުރުކޮޅެއް
2/1 ޖޯޑު ކާށިބޯކިރު
1 ޖޯޑު ކާށިފެންކިރު
1 ސައިސަމުސާ ލޮނު
ތައްޔާރުކުރާނެ ގޮތް:
ފަރުމަސް ބޮޑެތިކޮށް ކޮށާލާށެވެ. ބޮޑުމިން ބޭނުން ވަރަކަށް ބެހެއްޓިދާނެއެވެ. ކެރެޓު ދިގުފޮއްޗަށް ކޮށާލާށެވެ. ގާތްގަނޑަކަށް ޕޮޓޭޓޯޗިޕްސް ހުންނަ ބޯމިން ރަނގަޅުވާނެއެވެ. ބެލްޕެޕަރވެސް ހިމަދިގުކޮށް ކޮށާލާށެވެ. ފިޔާ ބޯކޮށް ދިގުފޮއްޗަށް ކޮށާލާށެވެ. ތޮޅިމިރުހުގެ ތަނޑި ނައްޓާލާފައި މެދުން ފަޅާލާށެވެ. ލޮނުމެދު ދިގަށް ކޮށާލާށެވެ. އިނގުރު ދިގުކޮށް ހުންނާނެހެން ފޮތިކޮށްލާށެވެ. ޓޮމާޓޯ ދިގަށް 6 ފޮއްޗަށް ފޮތިކޮށްލާށެވެ.
ތެއްޔަކަށް ފެންކިރާއި ލޮނު އަޅާފައި އުދާށެވެ. ހޫނުވާންފެށުމުން ފިޔާ، ލޮނުމެދު، ހިކަނދިފަތް، ރާނބާފަތް، އިނގުރު އަޅާލާށެވެ. އެތަކެތި ކެކެން ފެށުމުން މަސްކޮޅާއި ތަރުކާރީކޮޅު އަޅާލާފައި މަތިޖަހައިގެން މެދުގިނީގައި ކައްކާލާށެވެ. މިނިޓެއްހާއިރު ވުމުން ދޭފަތުން ހަލުވާލަންވާނެއެވެ. 3 މިނިޓު ވާއިރު ހުންނާނީ ރޯފިލާފައެވެ. ދެން ބޯކިރުފޮދު އަޅައި އެއްކޮށްލާފައި އުނދުންމަތިން ބާލާށެވެ.
ނޯޓް: މި ކިރުގަރުދިޔައަށް ރީނދޫ އަޅާކަށް ނުޖެހޭނެއެވެ.
ފަރުމަސް ނޫނަސް ކުކުޅުގައިވެސް، އަދި އަލުވީގައިވެސް މި ކިރުގަރުދިޔަ މީރުވާނެއެވެ.
