ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ ޑިޕާޗާ ޓާމިނަލުން ހުއްދަ ނެތި ސިނގިރޭޓް ކާޓަންތަކެއް ބޭރުކުރަން އުޅެނިކޮށް ހައްޔަރުކުރި ދެ މީހުން މިއަދު ދޫކޮށްލައިފިއެވެ.
ވީއައިއޭގެ ޑިޕާޗާ ޓާމިނަލުން ނެރެގެން ގެންދަން އުޅުނު ޑަސްބިން ކޮތަޅުތަކެއް ޗެކުކުރިއިރު، އޭގައި ސިނގިރޭޓް ކާޓަންތަކެއް ފެނުނު މައްސަލައެއް ކަސްޓަމްސް އިން ފުލުހުންނަށް ހުށަހެޅީ އިއްޔެއެވެ. އެ މައްސަަލައިގައި ދެ މީހަކު ހައްޔަރުކޮށްފައިވާއިރު އޭގެ ތެރޭގައި ފުލުހަކު ވެސް ހިމެނެއެވެ.
އެގޮތުން އެ ދެ މީހުންގެ ބަންދާ މެދު ގޮތެއް ނިންމަން މިއަދު ކްރިމިނަލް ކޯޓަށް ހާޒިރުކުރުމުން ޝަރުތުތަކަކާއެކު ވަނީ ދޫކޮށްލާފައެވެ.