ކުޑަ ފިރިހެން ކުއްޖަކު އޭނާގެ ކާފަ ގެޔަށް ދިޔަ ފަހަރަކު ކާފަ ކައިރީގައި ބުންޏެވެ. އަޅުގަނޑުވެސް ބޮޑުވެގެން ވާން ބޭނުންވަނީ ވަރަށް ކާމިޔާބު މީހަކަށެވެ. އެފަދަ މީހަކަށް ވެވޭނެ ގޮތް ކިޔާދެއްވަފާނަންތޯއެވެ. ކާފަ އާއެކޭ ބުނުމުގެ ގޮތުން ބޯޖަހާލިއެވެ.
ކާފަ ދެން ކުއްޖާ ގޮވައިގެން ދިޔައީ ކައިރީގައިވާ ނާސަރީ އަކަށެވެ. އެތަނުން ކާފަ ގަތީ ކުޑަދެގަހެވެ.އަދި ދެގަސް ގެޔަށް ގެނައުމަށްފަހު އެއްގަސް އިންދީ ޕޮޓެއްގަ ގޭތެރޭގައެވެ.އަދި ދެވަނަ ގަސް އިންދީ ބޭރުގަ ބަގީޗާތެރޭގައެވެ.
ކާފަދެން ކުއްޖާ ކުރެން ސުވާލު ކުރިއެވެ. މިދެގަހުން ރީތިކޮން ހެދޭނެ ހެން ހީވަނީ ކޮން ގަހެއް ހެއްޔެވެ. ކުއްޖާ ވިސްނާލުމަށްފަހު ބުންޏެވެ.ގޭތެރޭގައި ހުރި ގަހެވެ.ސަބަބަކީ ގޭތެރޭގަ ހުރިގަސް ހުންނާނީ ބޭރުގެ ވަޔާ މިފަދަ ކަންކަމުން ހިމާޔަތް ކުރެވިފައެވެ.ބޭރުގަ ހުރިގަހަށް ގަދަ އަތްވާ، ގަދަ ވަޔާ ވާރޭ،އަދި ބައެއް ޖަނާވަރު ތަކުގެ ނުރައްކާވެސް އޮންނާނެއެވެ.
ކުއްޖާމިހެން ބުނުމުން ކާފަ ހީނލާފައި ބުންނެވެ.އަޅެ ގަސްތަކަށް ވާގޮތް ބަލަން ތިބެމާ ހިނގާށެވެ.
އޭގެ ފަހުން ކުއްޖާ އޭނަގެ މަންމައާއި ބައްޕައާއި އެކު ބައްޕަގެ ރަށަށް ދިޔައެވެ. އެރަށުގައި ހަތަރު އަހަރު އުޅުމަށްފަހު އެނބުރި ރަށަށް އައިސް ކާފަގެ ގެޔަށް ދިޔައެވެ.އަދި ކުއްޖާބުންޏެވެ. ކާމިޔާބު މީހަކަށް ވާނޭގޮތް އަދިވެސް ކާފަ ކިޔާނުދެއްވަމެއް ނޫންތޯއެވެ. މިފަހަރު ކިޔާދެއްވައްޗެވެ. ކާފަ ހިނި އައިސްފަ ބުންޏެވެ.އާނ މިފަހަރު ކިޔާދޭނަމެވެ. އެކަމަކު އޭގެ ކުރިން އަހަރުމެން މީގެ ދެތިން އަހަރު ކުރިން އިންދި ގަސްތަކަށް ވެފަ ހުރިގޮތެއް ބަލާލަމާހެއްޔެވެ.
ކުއްޖާ ގޮވައިގެން ކާފަ ގޮސް ޕޮޓްގަ އިންދިގަސް ބަލާލިއިރު އެގަސް ވަނީ ވަރަށްބޮޑުވެފައެވެ.ނަމަވެސް އަދިވެސް ހުރީ ގޭތެރޭގަ ބެހެއްޓޭ ވަރަށެވެ.ދެން ދިޔައީ ބޭރުގަ އިންދިގަސް ބަލާލާށެވެ. ބޭރަށް ނިކުތް އިރު އެގަސް ވަނީ ވަރަށް ބޮޑަށް ހެދި ބޮޑުބިޔަ ގަހަކަށް ބަދަލުވެފައެވެ.އަދި ގަހުގެ ހިޔާ ވަށައިގެން އެތައް ހިސާބަކަށް ލިބިލިބި ހުއްޓެވެ.
ދެން ކާފަ ކުއްޖާއާއި ދިމާލަށް ބަލާލުމަށްފަހު ބުންޏެވެ. ދަރިފުޅު ދެން ބުނެބަލާށެވެ. ބޮޑަށް ހެދުނީ ކޮން ގަހެއް ހެއްޔެވެ. ބޮޑަށް ކާމިޔާބް ގަހަކީ ކޮބާ ހެއްޔެވެ. ކުއްޖާ ބުންނެވެ. ބޭރުގައި އިންދި ގަހެވެ.އެމަކު ކާފާއެވެ.އެހެން ވާނީ ކިހިނެއް ތޯއެވެ.ބޭރުގައި ހުރިގަހަށް ވަރަށް ގިނަ ނުރައްކާ ކުރިމަތި ވެފަ ވާނެ ނޫންތޯއެވެ. ކާފަ ހީލަމުން ބުންޏެވެ. އާނއެކެވެ. ބޭރުގަ ހުރިގަހަށް ވަރަށް ގިނަ ކަންތަކާ ކުރިމަތިލާން ޖެހުނެވެ. ނަމަވެސް އެކަންތަކާ ކުރިމަތިލުމުގައި ފައިދާތަކެއްވެސް ވެއެވެ.
ބޭރުގައި ހުރިގަހަށް ބޭނުން ވަރަކަށް ގޮފިތައް ދުރަށް ދަމާލުމުގެ މިނިވަންކަން އޮތެވެ.ތޫފާންތައް އައުމުގެ ސަބަބުން ގަހުގެ މޫތައް ވަރުގަދަ ވިއެވެ.މިހާރު ބިމަށް ހިފާފަ ހުރި ވަރުން އާދައިގެ ތޫފާނަކުން ގަހަކަށް އަސަރެއް ނުކުރާނެއެވެ. ދެން ހަމަ ބޭނުންވަރަކަށް ހެދެންވީއެވެ.
ދަރިފުޅާއެވެ. ކާފަ މިބުނާ ވާހަކަ އަބަދުވެސް ހަނދާން ކުރައްޗެވެ.ހަޔާތުގެ ދަތުރުގައި ކުރިޔަށްދާއިރު އަބަދު އަރާމުގޮތް، ފަސޭހަގޮތް އިހްތިޔާރު ކުރާނަމަ، ކާމިޔާބީ ހާސިލެއް ނުކުރެވޭނެއެވެ. ނަމަވެސް ނުރައްކާ ތަކެއް އެކުލެވުނު ނަމަވެސް އެކި މައްސަލަ ތަކާ ކުރިމަތިލާން ތައްޔާރަށް ހުރިނަމަ، ކަނޑައަޅާ ގޯލް ނަވަތަ ލަނޑުދަނޑިތައް ހާސިލް ކުރުމަށް ދައްޗެއް ނުވާނެއެވެ.ކުރިމަތިވާ މައްސަލަ ތައް އެއީ ހުރަސްތަކެއް ކަމަށް ނުބަލާށެވެ. އޭގެ ބަދަލުގަ އެއީ ކާމިޔާބީ އާއި ދިމާލަށް ދާން ހުރި ހަރުފަތް ތަކެއް ކަމަށް ބަލާށެވެ. އޭރުން ބޭރުގަ ހުރި ގަސް ގޮތަށް ކާމިޔާބް ވާނެއެވެ.
ކުއްޖާ ފުން ނޭވާއެއް ލުމަށް ފަހު ގަހާދިމާލަށް ބަލަހައްޓައިގެން ހުއްޓެވެ.އަދި އެވަގުތު ކާފަ ބުނުއްވި އެއްޗެއް ރަގަޅަށް އޭނާ އަށް ވިސްނިއްޖެއެވެ.
ހަޔާތުގަ ދިމާވާ ހުރަސްތައް އާންކޮށް އަހަރުމެންނަށް ފެންނަނީ ”އެނިމީސް“ ނުވަތަ ދުޝަމަނުންގެ ގޮތުގައެވެ. ނަމަވެސް މައްސަލަތައް ބަރުދާސްތުކޮށް އެކަމަށް ހައްލުހޯދަން އަހަރުމެންނަށް ދަސްވަނީ މިފަދަ ހުރަސްތަކާ ކުރިމަތިލުމުގެ ސަބަބުންނެވެ.
ހަޔާތަކީ ”އެޑްވެންޗަރ“ އެއްފަދަ އެއްޗެކެވެ. މި ”އެޑްވެންޗަރ“ ގައި އެކި ގުދުގުދު އަދި ބަނޑި ބަޑިބަނޑިއެކުލެވެއެވެ.އެކި ހުރަސް އަކާއި މައްސަލަ ތަކުގެ ސިފައިގައެވެ.ނަމަވެސް މި ހުރަސް ތަކަކީ ފުރިހަމަ ކުރަންހުރި ޕަޒްލް ތަކެއްފަދަ ކަންކަމެވެ. ޕަޒްލް ފުރިހަމަ ކުރެވުނީމަ އެއީ މާބޮޑުކަމަކަށް ނުވެއެވެ. ދާންވީ ސީދާ ތެދުމަގު ފެނެއެވެ. ދެން ކުރިމަތިވެދާނެ އެފަދަ ކަމަކަށް މީހާ ތައްޔާރު ކުރުވައެވެ.
