ބޭނުންވާ ތަކެތި:
2 ދަޅު މަސް
1 ޖޯޑު ގަނޑުކުރި ޕޮޓޭޓޯޗިޕްސް
ގިތެޔޮމިރުހެއް
ބޮޑު ފިޔައެއް
6 ލޮނުމެދު
ލުނބޯކިބައެއްގެ ހުތް
1 ސައިސަމުސާ ލޮނު
1 ހިކަނދިފަތް
6 ބިސް
ޗީޒް ސްލައިސް

ތައްޔާރުކުރާނެ ގޮތް:
ފިޔާ، މިރުސް، ލޮނުމެދު އަދި ހިކަނދިފަތް ހިމުންކޮށް ކޮށާލާށެވެ. އެއަށް ލުނބޯހުތާއި ލޮނު އަޅައިގެން ރަނގަޅަށް މޮޑެލާށެވެ. އެއަށްފަހު މަސް އަޅައިގެން މަސްތައް ހިމުންވަންދެން މޮޑެލާށެވެ. އެއަށްފަހު ފަހަރަކު ބިހެއް އަޅަމުން އެއްކުރަމުން ގެންދާށެވެ. ޗިޕްސްތައް ގަނޑުފިލުވާލުމަށްފަހު އޭގެތެރެއަށް އަޅާލައި އެއްކޮށްލާށެވެ. މޮޑުނު މަސްގަނޑު ޓްރޭއެއްގައި ފަތުރާލުމަށްފަހު ޗީޒްފޮތިތައް އޭގެމަތީގައި އަތުރާލާށެވެ. 200 ޑގްރީގައި އަވަނުން ފިހެލާށެވެ. ގާތްގަނޑަކަށް 30 މިނިޓުން ފިހެވޭނެއެވެ.
ތަވާގައިވެސް މި ބޯކިބާ ފިހެވޭނެއެވެ. ތަވާގައި ފިހާނަމަ ވަރަށް މަޑު ގިނީގައި އެއްފުށް ފިހެލުމަށްފަހު އަނެއްފުށަށް ޖަހައިގެން ފިހެލާނީއެވެ.
ފިހެވުނުތޯ ބެލުމަށް ޓޫތުޕިކެއް ނުވަތަ އުލެއް ބޯކިބަލުގެ މެދަށް ހަރާލާށެވެ. އޫ ނަގާއިރު އެއްވެސް އެއްޗެއް ހޭކިފައި ނެތްނަމަ ފިހެވުނީއެވެ.