އެއްދުވަހަކު އުމުރުން ދިހަވަރަކަށް އަހަރުގެ ވަރަށް ފަގީރު ފިރިހެން ކުއްޖަކު މަގުމަތީގަ ހިނގަމުން ހިނގަމުންދަނިކޮށް ވަރަށް ބަނޑުހައިވެގެން އިމާރާތެއްގެ ބޭރުގައި ޖަހާފަ ހުރި ގޮނޑި ތަކަކުން ގޮނޑިއެއްގައި އިށީނެވެ.އެތާއިން އިރު ދުވާ ކާއެއްޗެތީގެ މީރު ވަހުން އޭނާގެ ހައިކަން އިތުރަށް އުނދަގޫ ކުރަމުން ދިޔައެވެ.ނަމަވެސް އޭނާގެ އަތުގައި އެއްޗެއް ގަންނާނެ އެންމެ ރުފިޔާއެއްވެސް ނެތެވެ.
އިރުކޮޅަކުން އެތެރޭން މެދުއުމުރަކަށްދާ ވެއިޓަރަކު ނިކުމެގެން އައިސް އެކުއްޖާޔާ ސުވާލު ކުރިއެވެ.ކޮއްކޮ ތިޔަ އިނީ އެއްޗެއް އޯޑަރު ކުރަން ބޭނުން ވެފަ ހެއްޔެވެ. މިއީ ރެސްޓޯރަންޓެކެވެ.
މިހެން ބުނުމުން އެކުއްޖާ ވަރަށް ދެރަވެ ކަރު އެލުވާލާފައި ބުންޏެވެ.އާނ އަހަރެން މިއިނީ ވަރަށް ބަނޑުހައި ވެފައެވެ. އެކަމަކު އަހަރެންގެ އަތުގަ އެއްވެސް ފައިސާއެއް ނެތެވެ. އެވަގުތު ވެއިޓަރު ބުންޏެވެ. މިތާ މަޑުކޮށްލައްޗެވެ.
މިހެން ބުނުމަށްފަހު އެތެރެޔަށް ވަދެފަ އިރުކޮޅަކުން އައީ ވަރަށް ތާޒާ މީރު ކެއުމެއް ހިފައިގެންނެވެ. އައިސް ކުއްޖާ ކައިރީ ބެހެއްޓުމަށް ފަހު ބުންޏެވެ.އަވަހަށް ކާލައިގެން ގެޔަށް ދާށެވެ. އެކުއްޖާ ވަރަށް ދެރަވެލާފައި ބުންޏެވެ. ތިޔަށް އަގު އަދާކުރެވޭނެ ގޮތެއް ނެތެވެ. އެވަގުތު ވެއިޓަރު ބުންޏެވެ.އަގު މިވަގުތު ފައިސާއިން އަހަރެންނަށް ނުދިންނަމަވެސް ކޮންމެވެސް ދުވަހަކުން ކޮންމެވެސް މީހަކަށް ހެޔޮކަމެއް ކޮށްދީގެން އަގުއަދާ ކުރުމަށް ވައުދު ވާށެވެ. ހެޔޮކަން ދަމަހައްޓަން ވައުދުވާށެވެ. އެކުއްޖާ އާނއެކޭ ބުނުމަށްފަހު ވަރަށް އުފަލުން އިނދެ އަވަސް އަވަހަށް ކާލައިގެން އެތަނުން ހިނގައްޖެއެވެ.
އެރެޔަށް ފަހު ކުޑަކުއްޖާގެ ހިތުގައި ތަފާތު އިހުސާސް ތަކެއް ހިނގަން ފެށިއެވެ. އަބަދު ފަގީރެއްގެ ގޮތުގައި ނުހުރުމަށް އަޒުމް ކަނޑައެޅިއެވެ.އަބަދު އެހެން މީހުންގެ މަދަދު ހޯދުމުގެ ބަދަލުގައި އޭނަވެސް ކިޔަވައިގެން މޮޅުމީހަކަށް ވުމުގެ އަޒުމް ކަނޑައެޅިއެވެ.
އެރޭގެ ފަހުން އެގޮތަކުން މިގޮތަކުން ކުއްޖާ ކިޔެވިއެވެ.އަދި މަތިން ފާސް ހޯދާ މަތީ ވަޒީފާ ހޯދިއެވެ. ހަމަ އެއާއެކުއެކީ އަމިއްލަ ވިޔަފާރިތައް ފަށާ ދާދި އަވަހަށް އޭނާއަކީ އެރަށުގައި ގުނާލެވޭ ފައިސާވެރިއަކަށް ވެއްޖެއެވެ.
އޭނާ މިހާރު ގަނެފައިވާ އަގުބޮޑު ކާރު ތަކުންކާރެއްގައި އެއްރެޔަކު އޭނަ ކުރިން އުޅު ހިސާބު ގަނޑަށް ދިޔައެވެ. އަދި އެއްކަލަ ރެސްޓޯރަންޓް ކައިރިން ދުއްވާލަން ދިޔައެވެ.އޭނާގެ ހަޔާތުގައި އައި ޚާއްސަ ރޭގެ މަތިން ހަންދާން ކޮށްފައެވެ.
އެމަގުން ދަމުން ރެސްޓޯރަންޓަށް ވަދެލަން އޭނަ ހިތަށް އެރިއެވެ. ކާރު ރަގަޅު ތަނެއްގައި ޕާކު ކޮށްލުމަށް ފަހު އެތެރެޔަށް ވަން އިރު މުސްކުޅި ވަރެއްގެ ވެއިޓަރެއް ވަރަށް ވަރުބަލިކަމާއެކު ފިހިގަނޑަކުން ކުނިކަހަން ހުއްޓެވެ.އޭނާ ރަގަޅަށް ބަލާލުމުން އެއީ އެރޭ އޭނާ އެހާބަނޑުހައިވެފައި ހުއްޓާ ކާންދިން ވެއިޓަރު ކަން އިނގުނެވެ. ޒުވާނާ ފުރަތަމަވެސް ގޮސް އޭނާގެ އަތުން ފިހިގަނޑު އަތުލިއެވެ.އަދި އަތުގައި ހިފައިގެން އައިސް ގޮޑިއެއްގައި ބޭންދިއެވެ.
ވެއިޓަރު މައްސަލަ ޖައްސަން ފެށުމުން ޒުވާނާ ބުންޏެވެ. މިއަދު ޚިދުމަތް ކުރާނީ އަހަރެންނެވެ. މިތާ މަޑުން އިންނާށެވެ. މިހެން ބުނުމަށް ފަހު މެނޭޖަރު ކައިރިޔަށް ގޮސް މައުލޫމާތު ސާފު ކުރުމަށްފަހު އެނބުރި އައިސް އޭނާއަތަށް ދިނީ ތަޅުދަނޑިއެކެވެ.އަދި ބުންޏެވެ.މިރެޔަށްފަހު މިރެސްޓޯރަންޓްގެ ވެރިޔަކީ ތިޔައީ އެވެ. ބޭނުން މުވައްޒަފުން ހަމަ ކޮށްގެން ތަން ހިންގަމުން ގެންދާށެވެ.އަދި ވިޔަފާރި އިތުރަށް ފުޅާކުރުމަށް ފައިސާވެސް އަހަރެން ދޭނަމެވެ.
ވެއިޓަރު ހައިރާންވެގެން ސުވާލު ކުރިއެވެ. ތިޔައީ ކޮން ޒުވާނެއް ތޯއެވެ. ބުނީމަ އޭނާ ޖަވާބުގައި ބުންޏެވެ. އަހަރެންމީ މީގެ އަހަރު ތަކެއް ކުރިން ބަނޑުހައިވެގެން ސަލާންޖަހަން އައި ކުޑަކުއްޖާއެވެ. އަހަރެނަށް އެރޭ ކާއެތިކޮޅު ދިނީ ތިޔަ ދެއަތުންނެވެ. އެރޭއަހަރެން ވައުދު ވީގޮތަށް ހެޔޮ ކަން ދަމަހައްޓާނަމެވެ. ހެޔޮކަމަކަށް ހެޔޮކަމެއް ދިނުމުގެ ފުރުސަތު ލިބުނީތީ އަހަރެން އުފާކުރަމެވެ. ދެން އިރާދަ ކުރެއްވިއްޔާ ވެއިޓަރުކަން ކޮށް ދަތީގަ އުޅޭކަށް ނުޖެހޭނެއެވެ.
