ރަހަފަތް: ޕޮޓޭޓޯ ލަޒަނިޔާ

Loading

March 19, 2025
profile
Facebook
Twitter
WhatsApp

ބޭނުންވާ ތަކެތި:
2 އަލުވި (ބޮޑު)
1 ދަޅު މަސް
1 ފިޔާ
6 ލޮނުމެދު
4/1 ގިތެޔޮމިރުސް
1 ހިކަނދިފަތް
2 ސައިސަމުސާ ޓޮމާޓޯ ޕޭސްޓް
1 ސައިސަމުސާ ޗިލީ ސޯސް
2 ސައިސަމުސާ ލޮނު
1 ސައިސަމުސާ ވިނެގާރ
ގާނާފައިހުރި ޗީޒް ނުވަތަ 6 ޗީޒް ސްލައިސް
1 ސައިސަމުސާ ފުށް
3/1 ޖޯޑު ކިރު
1 ސައިސަމުސާ އަސޭމިރުސް
1 ސައިސަމުސާ ބަޓަރު
2 ސައިސަމުސާ ތެޔޮ

ތައްޔާރުކުރާނެ ގޮތް:
އަލުވިތައް ތުނިތުނިކޮށް ވަށްފޮއްޗަށް ކޮށާލާށެވެ. އެއަށްފަހު އަލުވިތަކުގެ މައްޗަށް ކިރިޔާ ހުންނަވަރަށް ފެން އަޅާފައި 2/1 ސަމުސާ ލޮނު އަޅައިގެން ކައްކާލާށެވެ. ކައްކާނީ އަލުވިތައް ޗަސްނުވާވަރަށެވެ.
ފިޔައާއި 3 ލޮނުމެދު އަދި މިރުސް ކުދިކޮށް ކޮށާލުމަށްފަހު 1 ސައިސަމުސާ ތެލުގައި މީރުކޮށްލާށެވެ. ބޭނުންނަމަ މަސްދަޅުގެ ތެޔޮފޮދުގައިވެސް މީރުކޮށްލެވިދާނެއެވެ. ފިޔާކޮޅު މީރުވުމުން ޓޮމާޓޯ ޕޭސްޓާއި ޗިލީ ސޯސް އަދި 2/1 ސައިސަމުސާ ލޮނު އަޅައި އެއްކޮށްލުމަށްފަހު މަސްކޮޅު ފުނޑުވާފައި އަޅާލާށެވެ. ރަނގަޅަށް ހުރިހާ އެއްޗެހި އެއްވުމުން އުނދުންމަތިން ބާލާށެވެ.
3 ލޮނުމެދު ގާނާލާށެވެ. ތަވައެއްގައި ބަޓަރުކޮޅު ހޫނުކޮށްފައި އޭގެތެރެއަށް ފުށްކޮޅު އަޅައިގެން ޕޭސްޓްގަނޑަކަށް ވަންދެން އެއްކޮށްލާށެވެ. އެއަށްފަހު ކިރާއި 2/1 ސައިސަމުސާ ލޮނު އަޅައި، ކެކިގަތުމުން އަސޭމިރުސް އަދި 2 ފޮތި ޗީޒް ނުވަތަ ގާނާފައި ހުރި ޗީޒްގެ 2 ސައިސަމުސާ އަޅައި އޮލަވަންދެން އެއްކޮށްލާށެވެ.
ކުޑަ ޓްރޭއެއްގައި ފޫ ނިވާވާވަރަށް އަލުވި ފޮތިތައް އަތުރާލާށެވެ. އެއަށްފަހު މަސްގަނޑުން އެތިކޮޅެއް އޭގެމަތީގައި ފަތުރާލާށެވެ. މަސްގަނޑުމަތީގައި ތައްޔާރުކުރި ޗީޒް ސޯސްކޮޅެއް ފަތުރާލާށެވެ. އަނެއްކާވެސް ކުރިން އެތުރިވަރަށް އަލުވިފޮތިތައް އަތުރާލައި ހަމަ އެ ތަރުތީބުން އެއްޗެހި އަޅަމުންގެންދާށެވެ. ނިމޭއިރު އެންމެ މައްޗަށް ހުންނަންވާނީ މަސްގަނޑެވެ. އޭގެ މައްޗަށް ގާނާފައިހުރި ޗީޒް އަޅާލާށެވެ. ނުވަތަ ޗީޒް ފޮތިތައް އަތުރާލާށެވެ. 200 ޑިގްރީގައި އަވަނުގައި 40 މިނިޓުވަންދެން ފިހެލާށެވެ.

Loading

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް