ބޭނުންވާ ތަކެތި:

1200ގ ކުކުޅެއް

2 މޭޒުމަތީސަމުސާ ލޮނުމިރުސް ހަވާދު

1 އިންޗީގެ އިނގުރުކޮޅެއް

ބައި ޖޯޑު ކޮތަނބިރިފަތް (ބޮޑެތިކޮށް ކޮށާފައި)

1 ސައިސަމުސާ ބަޓަރު

ލުނބޯ ކިބައެއްގެ ހުތް

މެދުސައިޒުގެ ފިޔައެއް

3 ލޮނުމެދު

1 ތޮޅިމިރުސް

1 ޓޮމާޓޯ

1 ސައިސަމުސާ ލޮނު

ތައްޔާރުކުރާނެ ގޮތް:

ކުކުޅުގެ ހަންދަމައި ސާފުކޮށްލާށެވެ. ފައިގެ ހުޅާދިމާއިން މަސްގަނޑު ކަފާލާށެވެ. ފުރަގަހުން ފިޔަގަނޑާ ގުޅޭ ހިސާބުންވެސް ވަކިކޮށްލާށެވެ. މިހާރު ކުކުޅު ރީތިކޮށް ފަތުރާލެވޭނެއެވެ. ކުކުޅުގައި 1 އިންޗި ދުރުމިނުގައި ޅިޔައަޅާށެވެ. ބައި ސައިސަމުސާ ހުންނަހާ ލޮނުކޮޅެއް ކުކުޅުގައި ހާކާލާށެވެ.

ލޮނުމިރުސްހަވާދު ފިޔަވައި ހުރިހާ ބާވަތްތައް ފުނޑާލާށެވެ. ފުނޑި އެއްޗެހީގެ ތެރެއަށް ލޮނުމިރުސްހަވާދާއި ލުނބޯހުތާއި ލޮނު އަޅައި އެއްކޮށްލާށެވެ. ކުކުޅުގައި މިރުސްގަނޑު ހާކާލާށެވެ. ގަޑިއެއްހާއިރު ބެހެއްޓުމަށްފަހު 230 ޑިގްރީގައި 1 ގަޑިއިރުވަންދެން އަވަނުން ފިހެލާށެވެ. 

ފަރާޓާއެކު ނުވަތަ ބަތާއެކު މި ކުކުޅު މީރުވާނެއެވެ.

ކުޅިކޮށް ކާން ބޭނުންނަމަ މިރުސް އިތުރުކޮށްލެވިދާނެއެވެ.