ބޭނުންވާ ތަކެތި:

ބައިކިލޯ ކުކުޅު (ކަށި ނެތް)

1 ޖޯޑު ފްރޯޒަން ބްރޮކޮލީ މިކްސް

6 ލޮނުމެދު

2 ސައިސަމުސާ މުގުރި އަސޭމިރުސް

1 ޖޯޑު ކިރު

3 ފޮތި ޗީޒް

ކުޑަ ގިތެޔޮމިރުސްކޮޅެއް ކުދިކޮށް ކޮށާފައި (ކުޅިކޮށް ކާން ބޭނުންނަމަ)

2 މޭޒުމަތީސަމުސާ ބަޓަރު

ތައްޔާރުކުރާނެ ގޮތް:

ކުކުޅުކޮޅު ކުދިކޮށް ކޮށާލާށެވެ. ގާނާފައި ހުރި 1 ލޮނުމެދު، 1 ސައިސަމުސާ އަސޭމިރުސް، އަދި ލޮނުކޮޅެއް ކުކުޅުގައި ހާކާލުމަށްފަހު 15 ވަރަކަށް މިނިޓުވަންދެން ބަހައްޓާށެވެ. އެއަށްފަހު ބަޓަރުކޮޅެއްގައި ރޯފިލުވާލާށެވެ.

ތަރުކާރީކޮޅު (ބްރޮކޮލީ މިކްސް) ތައްޓަކަށް އަޅާފައި ހޫނުފެންފޮދެއް އަޅައި ގަނޑު ފިލުވާލާށެވެ. ބާކީހުރި ލޮނުމެދު ގާނާލުމަށްފަހު 1 މޭޒުމަތީސަމުސާ ބަޓަރުގައި މީރުކޮށްލާށެވެ. ކުޑަކޮށް މިލައިލުމުން ކިރު، 1 ސައިސަމުސާ އަސޭމިރުސް (އަދި ބޭނުންނަމަ ގިތެޔޮމިރުސް) އަޅައިގެން މަޑުގިނީގައި ކައްކާލާށެވެ. ކެކެން ފެށުމުން ތަރުކާރީކޮޅު އަޅާލާށެވެ. މިނިޓެއްވަރު ކެކުމުން، ތައްޔާރުކުރި ކުކުޅުކޮޅު އަޅާލައި ރަނގަޅަށް އެއްކޮށްލުމަށްފަހު ޗީޒްފޮތިތައް އަޅާލައި އެއްކޮށްލާށެވެ. ޗީޒްކޮޅު ވިރުމުން ބާލާށެވެ.

ނޯޓް: މިއީ ބަތް ނުވަތަ ޕާސްތާއާއެކު ކާލަން ވަރަށް މީރު ކުކުޅެކެވެ.