ސްޕްރީމްކޯޓުގެ 3 ފަނޑިޔާރަކު ސަސްޕެންޑްކުރަން ޖޭއެސްސީން ނިންމައިފިއެވެ.
ދެންމެ ޖޭއެސްސީން ނެރުނު ނޫސް ބަޔާނެއްގައި ވިދާޅުވީ ދިހިރާއްޖޭގެ ސުޕްރީމްކޯޓުގެ ފަނޑިޔާރު އަލްއުސްތާޛު ޙުސްނުއްސުޢޫދުއާ ފަނޑިޔާރު ޑރ. އަޒްމިރާލްދާ ޒާހިރު އަދި ފަނޑިޔާރު އަލްއުސްތާޛު މަޙާޒު ޢަލީ ޒާހިރު ސަސްޕެންޑް ކުރަން ނިންމާފައިވާ ކަމަށެވެ.
ސްޕްރީމް ކޯޓުގެ މި ތިން ފަނޑިޔާރުން ސަސްޕެންޑް ކުރަން ޖޭއެސްސީން ނިންމާފައިވާކަން ދެންމެ ހާމަކޮށްފައި މިވަނީ އެ ކޯޓުގައި ތިއްބަވާ 7 ފަނޑިޔާރުންގެ އަދަދު 5 އަށް ބަދަލުކުރަން ރައްޔިތުންގެ މަޖިލީހުން ކޯޓުތަކުގެ ޤާނޫޏަށް އިޞްލާޙު ގެނައުމަށް މީގެ ކުޑައިރުކޮޅެއް ކުރިން ފާސްކޮށްފައި ވަނިކޮށެވެ.
