ހުޅުމާލެއިން އެއާރޕޯޓަށާއި މަލެއަށް ވެހިކަލްތައް ދަތުރުކުރާ ބޮޑުމަގަކީ އެންމެ ކާރޫބާރު ބޮޑު އެއްމަގެވެ. އެ މަގަކީ އަސްލު ހައިވޭއެކެވެ. މިހާރު އެ މަގުގެ މެދުގައި ހުންނަނީ ކޯންޖަހާފައެވެ. އެއީވެސް އެ މަގުގައި ދަތުރު ފަތުރު ކުރާފަރާތްތަކުގެ ސަލާމަތައްޓަކައެވެ. އެހެނަސް ދުއްވާފަރާތްތަކުން ވެހިކަލް ދުއްވުމުގައި ހަމައެއް ލަމައެއްނެތްކަމުން މަގުގައި ޓެފިކް ޖޭމްވެ ގިނަގުނަ އުނދަގޫތައް ތަޙަންމަލް ކުރަންޖެހެއެވެ. ކޯން ޖަހާފައި ވާއިރު މަގުގެ ދެފަރާތުގައި ވެހިކަލް ދުއްވަން ދަމާފައި ވަނީ ދެ ލައިނެވެ. އެއީ ކާރާއި ލޯރީ އަދި ޕިކަޕްތަކަށް ލައިނަކާއި މޮޓޯސައިކަލަށް ޚާއްޞަކުރެވިފައިވާ ލައިނެވެ.
ކަން މިހެންހުރި އިރު ސައިކަލަށް ޚާއްޞަ ކުރެވިފައިވާ ލައިން ވަނީ ސައިކަލާ ކާރުތަށް ޕާކުކުރުމުގެ ސަބަބުން ފުރިފައެވެ. އެހެން ކަމުން ކާރާއi ސައިކަލް ދުއްވަންޖެހެނީ އެއްލައިނަކުންނެވެ. އަދި މަގުމަތީގެ އަމާންކަން ހަނިވެފައިވާއިރު ޓެކްސީތަކަށް މީހުން ނެގުމަށްޓަކާ އެ ޓެކްސީތައް ހުއްޓާލައިގެން ތިބުމާއި ފިހާރަތަކަށް މުދާ އުފުލާ ވެހިކަލްތައް ސައިކަލަށް ޚާއްޞަކޮށްފައިވާ ލައިނުގައި މަޑުކޮށް މުދާބާލަމުންދާތީ ޓެރެފިކް ޖޭމްވެ ނުދުއްވޭ ފަހަރު ވަރަށް ގިނައެވެ. ހައިވޭއެއްގައީ މިގޮތަށް މުދާ ބޭލުމަށާއި މީހުން ނަގަން ޓެކްސީތައް ހުއްޓާލައިގެން ތިބެވޭނަމަ އެކްސިޑެންޓްތަައް ހިނގުމުގެ ފުރުޞަތު ބޮޑުވެގެން ދާނެއެވެ.
ދުނިޔޭގެ އެހެނިހެން ގައުމުތަކުގައި އެއްވެސް ހައިވޭއެއްގައި ޓެކްސީ މަޑުކޮށް މީހުން ނަގާ މުދާ އަރުވާ ބާލާ ނަހަދައެވެ. މަގުގެ އެއްފަރާތުގައި ކޯންޖަހާފައި އެ ބަހައްޓަނީ ވެހިކަލް ޕާކުކުރުން މަނާކުރުމަށެވެ. އެހެނަސް އެކަންކަން ސަލާމަތީ ޚިދުމަތްތަކަށް ނުބެލެހެއްޓިފައިވާތީ ޕާކު ކުރުން މަދުވާތަނެއް ނުފެނެއެވެ. އަނެއްކޮޅުން ސައިކަލް ދުއްވާލައިން ފުރިފައިވާއިރު އަދި ވާކަދައްކަން އެ ލައިނުގައި މީހުން ހުއްޓި ތިބުމަކީވެސް ޢާންމު ކަމަކަށްވެ މަގުމަތީގެ ރައްކާތެރިކަމާ އަމާންކަން ގެއްލި މަގުމައްޗަކީ ބިރުވެރި ތަނަކަށް ބަދަލުވެއްޖެއެވެ.
ހުޅުމާލޭގެ ހައިވޭ ސަލާމަތީ ޚިދުމަތްތަކުން ބަލަހައްޓަނީ ހަތަރު އަގޮނޅި ހިމެނޭ ސަރަޙައްދު އެކަނިކަން ފާހަގަ ކުރެވެއެވެ. އެއީ މަގުމަތީގެ ސަލަމަތާއި ރައްކާތެރިކަން ކަށަވަރުނުވާ އެއްސަބަބެވެ. ޓެކްސީ ތަކާއި ވޭނާއި ލޮރީފަދަ ހަތަރުފުރޮޅުލީ ވެހިކަލް ތަކުން މަގުމަތީގެ ގަވާޢިދުތަކަށް ނުބަލާ ހިތުހުރިގޮތަކަށް ދުއްވުމުން އެއީ މަގުމަތީގެ ނުރައްކަލުގެ ތެރެއަށް އިންސާނުން ހުށަހެޅިގެން ދިއުމުގެ އެއްސަބަބު ކަމުގައި ވެސް ބުނަން ޖެހެއެވެ.
އެކްސިޑެންޓްތައް ހިނގަން މެދުވެރިވަނީ އިންޖީނުލީ އުޅަނދު ދުއްވާފަރާތްތަކުން މަގުމަތީގެ ގަވާއިދުތަކަށް ޙުރުމަތްތެރިކޮށް ނުހިތާތީއެވެ. މި ކަން ކަމުގައި ހުރިހާ ފަރާތްތަކުގެ އެއްބާރުލުން ލިބެންޖެހެއެވެ. ހުރިހާ ފަރާތްތަކުން ވެސް ވެހިކަލް ދުއްވުމާއި ޕާކު ކުރުމުގައި ވެސް ޢަމަލްކުރަންވާނީ މަގުމަތީގައި ދުއްވާ ވެހިކަލްތަކަށާއި ހިނގާ ބިގާވާ މީހުންގެ ސަލާމަތާއި ރައްކާތެރިކަމަށް ޚާއްޞަ އިސްކަމެއްދީގެން ކަމުގައި ދަންނަވަން ޖެހެއެވެ. އެއީ ބައެއްމީހުންގެ ޢަމަލްތައް ބަހައްޓާގޮތަކުން މަގުތައް ތޮއްޖެހި އެކްސިޑެންޓްތަށް ވިޔަނުދިނުމަށްޓަކައެވެ. ހުޅުމާލޭގެ ހައިވޭގައި ވެހިކަލް ދުއްވާފަރާތްތަކުން މަގު ބުލޮކްވާގޮތަށް ވެހިކަލްތައް ހުއްޓާލައިގެން މީހުނާއި މުދަލާ ތަކެތި އަރުވާ ބާލަން އޮތުމަކީ މަގުމަތީގެ އަމާންކަން ނެތިގޮސް ފުރާނަ ގެއްލިދާނެ ކަމެއް ކަމުގައި ވެސް ދަންނަވަން ޖެހެއެވެ.
އެހެން ނަމަވެސް ސަލާމަތީ ޚިދުމަތްތަކުން މަގުތަކުގެ އަމާންކަމާއި ރައްކާތެރިކަން ކަށަވަރުކޮށް ދިނުމުގައި އިހުމާލުވަމުންދާތީ މަގުތައް ބުލޮކްވެ މަގުމަތީގައި ވެހިކަލްދުއްވަން އުނދަގޫވެ ދަތިތައް ކުރިމަތި ވަމުން އަންނަކަންވެސް ފާހަގަ ކުރަމެވެ. އަދި ސައިކަލް ދުއްވަން ރޮނގު ދަމާފައިވާ ލައިނުން ދެ ސައިކަލް އެއްހަމައެއްގައި ވާހަކަދައްކަމުން ދަތުރު ކުރުމާއި ސިގުނަލް ކަނޑާނުލާ ދުއްވުމާއި ފަހަތްވެސް ނުދިއްލުމާއި އަދި ހައިބީމުގައި ދުއްވުމާއި ސައިކަލް ދުއްވަމުން ފޯނުކުރުންފަދަ ބިރުވެރި އެތައްކަމެއް ހައިވޭގައި ތަންފީޒު ވަމުން އަންނައިރު މަގުތައް ބަލަހައްޓާނޭ ޓްރެފިކް ފުލުހުން މަގުމަތިން ނުފެންނަކަން ހިތާމަޔާއެކު ފާހަގަ ކުރަމެވެ.
މިހާރަކަށް އައިސް މަގުމަތީގައި މޮޓޯސައިކަލްދުއްވާ ފިރިހެނުންނަށް ވުރެ އަންހެނުން ގިނައެވެ. ގިނަ އަންހެނުން ސައިކަލް ދުއްވުމުގައި ބަލަން ޖެހޭ މިންވަރަށް ނުބަލައެވެ. މަގަކަށް ލަނބާލަމުން އެފަރާތަށް ސިގުނަލް ދިނުމައްފަހު ސިގުނަލް ކަނޑާނުލާ އޭނާ ދާންވާބޭނުންވާ ހިސާބަށް ދާ ފަހުން ހަނދާންވެ ސިގުނަލް ކަނޑާލާފަހަރުވެސް މަދެއްނޫނެވެ. އަދި ކާރުބާރު ބޮޑުމަގުތަކުގައި ދުއްވަމުންގޮސް ކުއްލިއަކަށް ޔޫޓާން ނެގުމަކީވެސް ގިނަ އަންހެނުން ފަހަތައް ބަލާނުލާކުރާ ނުރައްކަލުން ފުރިގެންވާ ޢަމަލެއްކަމުގައި ދަންނަވަން ޖެހެއެވެ.
One Response
ކިތައްމެ ފަށުވިކޮށް ލިޔުނަސް 90 ޕަސެންޓް އެކްސިޑެންޓް ހިނގަނީ ސައިކަލް ދުއްވާ މީހުންގެ ސަބަބުން ލޭން ތަކަ ނުނ
ބަލަނީވެސް ސައިކަލް ދުއްވާ މީހުން ދެން ކޮންބޭކާރު ވާހަކައެއް ތި ދައްކަނީ