ތިޔައީ ގެއިން ބޭރަށް ނިކުތުމަށްފަހު ދެން ކުރިމަތިވެދާނެ ކޮންމެ ކަމަކަށް ތައްޔާރުވުމުގެ ގޮތުން،ބޭނުންވެދާނެ ހުރިހާ އެއްޗެތި ހިފައިގެން ނިކުންނަން ބޭނުންވާ މީހެއްނަމަ އުފާވެރި ހަބަރެއް އެބައޮތެވެ.އެއީ ބޮޑެތި ހޭންޑްބޭގް އަނެއްކާވެސް ފެޝަންއަށް އައިސްފިކަމުގެ އުފާވެރި ހަބަރެވެ.

އެންމެ ފަހުގެ އެކްސެސަރީ ޓްރެންޑަކީ ސުޕަރސައިޒްގެ ހޭންޑްބޭގްއެވެ.މޭކަޕް ބޭގާ ފޯނު ޗާޖަރު،ފައިވާނެއް،ފެންފުޅިއާއި ކިޔަމުންދާފޮތް،އަތްމަތީ ކުޑައެއް،މިހެންގޮސްބޭނުން ހުރިހާއެއްޗެއް އަޅާލެވޭވަރުގެ ބޮޑު އަތްދަބަހެވެ.
ޑިޒައިން ކުރާ ފަރާތްތަކުން އާންމުގޮތެއްގައި އެއްޗެއް ނެރޭއިރު ކޮންމެހެން އެއެއްޗަކުން ހިފޭ ބޭނުމަކަށް ނުބަލައެވެ.ނަމަވެސް އަތްދަބަހުގެ ކަންތަކުގައި ފަހުގެ ޓްރެންޑްތަކުން ފެންގޮތުގައި މިދެބައި ގުޅުވާދެއެވެ.
2025ގެ ސްޕްރިންގ/ސަމަރ ގެ ފެޝަން ކެޓްވޯކްތަކުން ފެންނަ ގޮތުގައި މަޝްހޫރު ބްރޭންޑްތައް ކަމަށްވާ ލުއިވިޓޯން،މިއުމިއު،އަދި ހާމޭސް ފަދަ ބްރޭންޑްތަކުންވެސް ފެނުނީ ވަރަށް ބޮޑެތި އަތްދަބަސްތައް ހިފައިގެން ހިނގިތަނެވެ.މީގެ އިތުރުން ފެޝަން ހައުސް ޕްރޮއެންޒާ ސްކޫލާ އިން އާދަޔާ ޚިލާފް ބޮޑެތި ޓޯޓް ބޭގް ތައް ތައާރަފް ކޮށްފައިވާއިރު މިދިޔަ އޯޓަމްގައި އީވް ސޭން ލޯރޯން އިން ތައާރަފްކުރި އާމް-ކެންޑީ ކިޔާ ދަބަހަށް ބަދިގޭ ސިންކްވެސް ލެވޭނެ ކަމަށް ބައެއް މީހުން ބުނެފައި ވެއެވެ.ނަމަވެސް މިއަދު މަޝްހޫރު ތަރިން ކަމަށްވާ އެންޖެލީނާ ޖޯލީ އާއި ބެލާ ހަދީދް ފަދަ ތަރިންވެސް އެންމެ ފަސޭހައިން ހިފައިގެން ނިކުންނަނީ ސޭން ލޯރޯން ގެ ޖާގަތަނަވަސް ދަބަހެއްކަމަށް ވެއެވެ.
ބޮޑެތި ހޭންޑްބޭގް ތައް ފެޝަން އަށް ވަމުން އަންނަތާ މިހާރު ދެތިން އަހަރުވެފައިވާކަމަށް ފެޝަން ޓެބްލޮއިޑްތައް ބުނެއެވެ.އެފަދަ ބޮޑުދަބަހަކަށް އަޅަނީ ކޮން އެއްޗިއްސެއްތޯ ސުވާލު އުފެދޭ ކަމަށް ބައެއްފަރާތްތަކުން ފެޝަން ޕޭޖް ތަކުގައި ކޮމެންޓް ކޮށްފައި ވެއެވެ. ”ފައިވާން ބަދަލު ކުރުމަށް ތަފާތު ފައިވާންތަ؟ނޫނީ ޚާއްސަ ކެއުންއަޅާފަ ހުރި ބާލިދީތަ؟“ބައެއްމީހުން ސުވާލު ކުރިކަމަށް ވެއެވެ. މީގެ އިތުރުން ކޭމްޕަކަށް ދާއިރު ގެންދަންޖެހޭ ހުރިހާ ސާމާނު މިއިން ދަބަހަކަށް އަޅާލެވޭނެ ކަމަށްވެސް،ބޮޑެތި ދަބަހަށް ފާޑުކިޔާ ބައެއްފަރާތްތަކުން ބުނެފައިވާ ކަމަށް ވެއެވެ.
ކޮންމެ ބަޔަކު ފާޑިކިޔަމުން ދިޔަނަމަވެސް އެންމެ ބޮޑެތި ފެޝަން ބްރޭންޑްތަކުން މިއަދު އިސްކަން ދީފައިވަނީ އާދަޔާ ޚިލާފް ބޮޑެތި އަތްދަބަސްތަކަށެވެ.

މަޢުލޫމާތު:ބީބީސީ