ޗައިނާއިން ފެނި،މުޅިދުނިޔެއަށް ފެތުރިގެންދިޔަ ކޮވިޑް 19 ޕެންޑަމިކް އަށް ފަސްއަހަރު ފުރުނުތަނާ އަނެއްކާވެސް ޗައިނާގައި ޕެންޑަމިކް ލެވެލްގެ ރޯގާއެއް ބާރަށް ފެތުރެމުންދާކަމަށް ހަބަރު ލިބިއްޖެއެވެ.

”އެޗްއެމްޕީވީ ވައިރަސް“ގެ ނަމުން ނަންދީފައިވާ ޕެންޑަމިކް ޖެހިގެން ގިނައަދަދެއްގެ ބަޔަކު ހޮސްޕިޓަލްތަކަށް ގޮސްގެންއުޅޭ މަންޒަރުފެންނަ ވީޑިއޯތައް ސޯސަލްމީޑިޔާގައި ދަނީ އާންމުވަމުންނެވެ.ބަލީގެ ދިގުނަމަކީ ”ހިއުމަން މެޓަނިއުމޯވައިރަސް“ ކަމަށްވެއެވެ.ބަލިފެތުރޭލެއް ހަލުއި ކަމުން މުޅި ޗައިނާގައި މިވަގުތު ވަނީ ހާސްކަމާ ކަންބޮޑުވުން ފެތުރިފައި ކަމަށް ވެއެވެ.މި ބަލީގެ އަލާމާތްތަކުގެ ތެރޭގައި ފެންނަނީ މައިކްރޯ ޕްލަސްމާ،ނިއުމޯނިއާ އަދި އިންފްލުއެންޒާ ބަލިންވެސް ފެންނަ ޒާތުގެ އަލާމާތްތަކެއް ކަމަށް ވެއެވެ. މީގެތެރޭގައި ކެއްސުން،ހުންއައުން ނޭފަތުން ރޯގާފޭބުން،ކަރުތެރެ މެށިފަ ހުންނަކަހަލަ އިހުސާސެއް ކުރެވުން،ނޭވާއިން އަޑުކިއުން، ނޭވާ ކުރުރުވުން، އަދި ބައެއް ފަހަރު ގައިން ބިހިތަކެއް ނެގުން ހިމެނެއެވެ
”އެޗްއެމްޕީވީ“ ވައިރަސް އެކަކު ގައިން އަނެކަކުގަޔަށް އަރަނީ ބަލި ޖެހިފައިވާ މީހަކާ ސީދާ ބައްދަލް ވުމުންނެވެ.ބަލިޖެހިފައިވާ މީހަކު ކެއްސާ ކިބިހިއަޅާތަނެއްގައި ހުރުން،އެފަދަ މީހެއްގެ ގައިގައި ބައްދާލުން،ސަލާން ކުރުން ފަދަކަމެއް ކުރުމުގެ އިތުރުން ބަލިޖެހިފައިވާ މީހަކު އަތްލާފައިވާ ދޮރުގެ ތަޅު/ގޮބު،އަދި ހިފާގެންގުޅޭ އެއްޗެއްގައި އަތް ލެވުނަސް ބަލިއަރާކަމަށް ވެއެވެ.
”އެޗްއެމްޕީވީ“ވައިރަސް ފެށި، ފެންޑަމިކް ލެވަލް އަށް ހާލަތު ގޮސްފައިވީނަމަވެސް ޗައިނާ ސަރުކާރުން ރަސްމީކޮން އަދި މިކަން އިއުލާން ކޮށްފައި ނުވާކަމަށް ވެއެވެ.ނަމަވެސް ދާދި ފަހުން ވަނީ ސްޓޭޓް އޮފް އިމަޖެންސީ އިއުލާން ކޮށްފައި ކަމަށް ހަބަރުތައް ބުނެއެވެ. ނަމަވެސް ބަލީގެ ހާލަތު އަދި ކަންބޮޑުވާންޖެހޭ ލެވަލްއަށް ނުދާކަމަށް ބުނެފައިވާ ކަމަށް ވެއެވެ.
ޗައިނާއިން ކުރިން ބުނެފައިވަނީ ”އެޗްއެމްޕީވީ“ ވައިރަސް އަކީ އާންމުކޮން ކޮންމެ ފިނި މޫސުމެއްގައި އިތުރުވެގެންދާ ރޯގާއެއް ކަމުގައެވެ.
ފަހުގެ ހަބަރުތައްބުނާގޮތުގައި ޗައިނާޔަށްފަހު ހޮންގކޮންގ އިން ވެސް މިހާރު ވަނީ ”އެޗްއެމްޕީވީ“ ރޯގާ ފެނިފައެވެ. މިއާއެކު ބައްޔާމެދު ފަރުވާތެރިވުމަށް ޗައިނާގެ އަވަށްޓެރި ގައުމުތަކުގައި އާންމުންނަށް ދަނީ އަންގަމުންނެވެ.
ކޮވިޑް 19 ޕެންޑަމިކްގައި އެންމެ ގިނަމީހުން މަރުވި އެއްގައުމު ކަމަށްވާ އިންޑިޔާގައިވެސް ދަނީ ރައްކާތެރިކަމުގެ ފިޔަވަޅުތައް އެޅުމަށް ގޮވާލަމުންނެވެ.ޚާއްސަކޮން މާބަޑުމީހުންނާއި އުމުރުން ދުވަސްވީ މީހުން އާންމު ތަނަކަށް ނިކުންނަ ނަމަ މާސްއެޅުމަށް ދަނީ އަންގަމުންނެވެ.
ޗައިނާގައި ފެތުރެމުންދާ ”އެޗްއެމްޕީވީ“ ވައިރަސްއާއި ގުޅިގެން ޑަބްލިއު އެޗްއޯއިންވެސް އަދިއެއްޗެއް ނުބުނެއެވެ.
”އެޗްއެމްޕީވީ“ ވައިރަސް އިން ރައްކާތެރިވުމަށް އަޅަން ޖެހެނީ ކޮވިޑް 19 އިން ރައްކާތެރިވުމަށް ވެސް އެޅިފިޔަވަޅު ތަކެވެ. މިގޮތުން ގިނަގިނައިން އަތް ދޮވުން، އެހެންމީހަކު ކެއްސާ ކިނބިހިއަޅާ ތަނެއްގައި ހުރިނަމަ އަމިއްލަ ނޭފަތާ އަނގަމަތި ނިވާކުރުން، މާސްކް އެޅުން،އަދި ލޯ،ނޭފަތް އަނގަ ފަދަ ތަނެއްގައި އަތްލުމުގެ ކުރިން އަތް ސާފުކަން ޔަގީން ކުރުން ހިމެނެއެވެ.
ކޮވިޑް 19 ޕެންޑަމިކް މުޅިދުނިޔެއަށް ފެތުރި، އެބަލީގައި 7 މިލިއަން މީހުން މަރުވެގެން ގޮސްފައި ވެއެވެ.