ޖިމްނާސްޓިކްސް އިން ފަސް ފަހަރު އޮލިމްޕިކް ރަން މެޑަލް ހޯދި ހަންގޭރީގެ އާޓިސްޓިކް ޖިމްނާސްޓިކް ކޯޗު އެގްނެސް ކެލެޓީ އުމުރުން 103 އަހަރުގައި މަރުވެއްޖެއެވެ.9 ޖެނުއަރީ 1921 ގައި ބުޑަޕެސްޓަށް އުފަން އެގްނެސް މަރުވެފައި ވަނީ މިއަދު ކަމަށް މީޑިއާ ރިޕޯޓުތައް ބުނެފައި ވެއެވެ.
އެގްނެސް މަރުވެފައި ވަނީ މިދިޔަ ހަފްތާގައި ނިއުމޯނިއާ ޖެހިގެން ހޮސްޕިޓަލުގައި އެޑްމިޓްކޮށްގެން ފަރުވާދީފައި ވަނިކޮށެވެ.
އެގްނެސްގެ ދަރިފުޅު ރަފައެލް ބިރޯ-ކެލެޓީ ލޯކަލް ޕްރެސްއަށް ބުނީ އާއިލާއެއްގެ ގޮތުގައި އެކުގައި 9 ޖެނުއަރީގައި އެގްނެސްގެ 104 ވަނަ އުފަންދުވަސް ފާހަގަކުރަން ބޭނުންވާ ކަމަށެވެ.
ހަންގޭރީގެ އެންމެ ކާމިޔާބު ޖިމްނާސްޓެއްގެ ގޮތުގައި އޮލިމްޕިކްގެ ދިހަ މެޑަލް ހޯދިއިރު، އެ ހުރިހާ މެޑަލްތަކަކީ ވެސް އުމުރުން 30 އަހަރު ފުރުމަށް ފަހު، އޭނާ ހޯދި މެޑަލްއެވެ. އޭގެ ތެރޭގައި ފަސް ރަން މެޑަލް ވެސް ހިމެނެ އެވެ.
