މާލެ އަދި ހުޅުމާލޭގައި އިތުރު ފެން ޕްލާންޓްތައް މި އަހަރު އަޅާނެ ކަމަށް އެމްޑަބްލިއުއެސްސީގެ މެނޭޖިން ޑިރެކްޓަރ ޢަބްދުލްމަތީން މުޙައްމަދު ވިދާޅުވެއްޖެއެވެ.
މަތީން މިހެން ވިދާޅުވީ ޕީއެސްއެމް ނިއުސްގެ ރާއްޖެމިއަދު ޕްރޮގްރާމްގައި ވާހަކަދައްކަވަމުންނެވެ.އިތުރުވަމުން އަންނަ އާބާދީއާއެކު މާލެ ސަރަޙައްދުގައި ފެން އުފައްދާ ކެޕޭސިޓީ އިތުރުކުރަންޖެހިފައިވާކަން ހާމަކޮށް މަތީން ވިދާޅުވީ މާލެއާއި ހުލުމާލެ ހިމެނޭހެން، 5000 ޓަނުގެ ފެން އުފައްދާ އިތުރު 2 ޕްލާންޓްގެ މަސައްކަތް ފެށުމަށް ތައްޔާރުވެފައިވާ ކަމަށެވެ.
އަމާޒަކީ 2025 ވަނަ އަހަރު މި ޕްލާންޓް ބަހައްޓާ ފެން އުފައްދާ ކެޕޭސިޓީ ދެ ގުނައަށް އިތުރުކުރުން ކަމަށް މަތީން ވިދާޅުވިއެވެ.މީގެ އިތުރުން މި ޕްލާންޓާއެކު، މިހާރު މާލޭގައި ފެން އުފައްދާ ކެޕޭސިޓީއަށް އިތުރު %30 އިތުރުކުރެވޭނެ ކަމަށް މަތީން ވިދާޅުވިއެވެ.
މާލެ ސަރަހައްދުގައި ފެނުގެ ހިދުމަތް ދިނުމަށް އެމްޑަބްލިޔުއެސްސީން މިހާރު ގާއިމުކޮށްފައިވާ ފެން ޕްލާންޓްތަކުން ދުވާލަކު 20،000 ޓަނުގެ ފެން އުފައްދައެވެ.
