އެމެރިކާގެ ހުޅަނގު ބިތުގައި އުފެދުނު އެޓްމޮސްފެރިސިކް ރިވަރ އެއްގެ ބާރު ގަދަވެ ކެލިފޯނިޔާގެ ސެންޓާ ކުރުޒް ސަރަހައްދަށް ބަންޑުން ވުމުގެ ސަބަބުން އުފެދުނު 60 ފޫޓުގެ ބިޔަ ރާޅުތަކުން ބޮޑެތި ގެއްލުންތަކެއް ލިބިއްޖެއެވެ. ޚަބަރުތައް ބުނެފައިވާ ގޮތުގައި އެބިޔަ ތަކުން ސެންޓާ ކުރުޒް ބަދަރުގެ ގުދަންތަކާއި އެ ސަރަހައްދުގައި ހުރި ގިނަ އަދަދެއްގެ އެއްގަމުގައި ދުއްވާ އުޅަނދުފަހަރު އުކާލާފައިވަނީ ހިކި ހޯލި ދަރުތަކެއް ބާރުގަދަ އޮއިވަރެއްގެ ތެރެއަށް ދަމައިގަންނަ ބީދައަކުންނެވެ.

ސެންޓާ ކުރުޒްގެ މަގަތު ފާލަމަކީ މަސްބޭނުމާއި އަދި މަސްމާރކޭޓް ސަރަހައްދުން ބާޒާރުކޮށްލުމަށްޓަކައި އަހަރަކު ދޮޅު މިލިއަން މީހުން ޒިޔާރަތް ކުރާ މަންޒިލެކެވެ. އެކަމަކު މިފަހަރު އެ ފާލަން ހަލާކުވެފައިވާލެއް ބޮޑުކަމުންނާއި އަދި ދޭތެރޭ ދޭތެރެއިން މިއަންނަ ކޮޅިގަނޑުތަކުގެ ސަބަބުން އަލުން މަރާމާތު ކުރެވޭނެ ދުވަހެއް އަންދާޒާކުރަން ނޭންގޭ ކަމަށް ވެއެވެ.
ބިޔަ ރާޅުތަކުގެ ތެރޭގައި އެތައް ބަޔަކު ކަނޑުތެރެއަށް ދަމާގަނެގެން ގެންގޮސްފައިވާ ކަމަށާއި އަދި ބައެއް މީހުން މަރުވެފައިވާކަމަށް ކެލިފޯރނިޔާ ގޮނޑުދޮށުގެ ބައެއް ސަރަހައްދުތަކުން ރިޕޯރޓްކޮށްފައި ވެއެވެ. މޫސުމާބެހޭ އިލްމު ވެރިންގެ ދިރާސާތަކުގައި ބުނެފައިވަނީ މިވަރުގެ ބިޔަ ރާޅުތައް އެރުމުގެ ހާދިސާއަކީ އެއްހާސް އަހަރުން އެއްފަހަރު މެދުވެފައިވާ ކަމެއް ނަމަވެސް މިހާރު މިފަދަ ހާދިސާތައް މެދުވެރިވުން ގޮތްނޭންގޭ މިންވަރަށް އަވަސްވެފައިވާ ކަމަށެވެ.
އެޓްމޯސްފެރިސިކް ރިވަރ ބަންޑުން ޖަހާލުމުގެ ސަބަބުން ސޮނޯމާ ކައުންޓީގެ ބައެއް ހިސާބުތަކުން ގަސްތައް ބިމުން ލުހެވިގެންގޮސް އަދި ގިނަހިސާބަކުން ކަރަންޓް ލައިންތައް ބިންމައްޗަށް ވެއްޓުމުން 2.6 މިލިއަން ޑޮލަރުގެ ގެއްލުން ލިބިފައިވާކަމަށް ބުނެއެވެ.