އެމްއެމްޕީއާރުސީގެ ކަރަޕްޝަނުގެ މައްސަލައާ ގުޅިގެން އެންޓި-ކޮރަޕްޝަން ކޮމިޝަން (އޭސީސީ) ގެ ކުރީގެ އިންވެސްޓިގޭޓިވް އޮފިސަރު އަބްދުﷲ އާޒިމަށް ދައުލަތުން ކުރާ ދައުވާތައް ކްރިމިނަލް ކޯޓުން ބަލަން ހައިކޯޓުން އަންގައިފިއެވެ.
މި މައްސަލައިގައި އާޒިމްގެ މައްޗަށް ހަތަރު ދައުވާއެއް އުފުލާފައިވާއިރު ރިޝްވަތު ގަބޫލު ކުރުމުގެ ދެ ދައުވާއާއި މަނީ ލޯންޑަރިންގެ ދެ ދައުވާ ހިމެނެއެވެ.
އާޒިމަށް ދައުލަތުން ކުރާ ދައުވާތައް ކްރިމިނަލް ކޯޓުން ބަލަން ހައިކޯޓުން އެންގީ، އެ މައްސަލަ ތަހުގީގުކުރަން ’ޖޮއިންޓް އިންވެސްޓިގޭޝަން’އެއް ހިންގީ ގާނޫނާ ހިލާފަށް ކަމަށް ކަނޑައަޅާފައެވެ. އެ މައްސަލަތައް މިދިޔަ ނޮވެމްބަރު މަހުގެ ފަހުކޮޅު ކްރިމިނަލް ކޯޓުން ބޭރުކޮށްލުމުން، ދައުލަތުން އެ މައްސަލަ ވަނީ ހައިކޯޓުގައި އިސްތިއުނާފު ކޮށްފައެވެ.
މި މައްސަލަ ތަހުގީގުކޮށްފައި ވަނީ ކުރީގެ ރައީސް އިބްރާހިމް މުހައްމަދު ޞާލިހްގެ ސަރުކާރުން އެކުލަވާލި އެސެޓް ރެކަވަރީގެ ރިޔާސީ ކޮމިޝަން ގުޅިގެންނެވެ.
