ސަލަފް ޖަމިއްޔާއިން އަލީ ރަމީޒް ވަކިވެއްޖެއެވެ.
ސޯޝަލް މީޑިއާ ޕްލެޓްފޯމް ފޭސްބުކްގައި އަލީ ރަމީޒް ކުރި ޕޯސްޓެއްގައި ބުނީ ޖަމިއްޔަތުން ސަލަފުން އިސްތިޢުފާ ދީފައިވާ ކަމަށެވެ.
ނަމަވެސް އަލީ ރަމީޒު ސަލަފުން އިސްތިއުފާ ދެއްވީ ކޮން ސަބަބަކާ ހުރެ ކަމެއް ހާމަކޮށްފައެއް ނުވެއެވެ.
މީގެ އަހަރުތަކެއް ކުރިން ލަަވަކިޔުމުގެ ދާއިރާއިން މަޝްހޫރުވި އަލީ ރަމީޒް ވަނީ 2003 ވަނަ އަހަރު ލަވަކިޔުން ހުއްޓާލުމަށްފަހު ދީނީ ހޭލުންތެރިކަން އިތުރުކުރުމަށް ގިނަ މަސައްކަތްތަކެއް ކޮށްފައެވެ. އެގޮތުން ގިނަ މަދަހަ ސީޑީތަކެއްވެސް ވަނީ އަލީގެ އަޑުން ކިޔާފައެވެ. ހަމައެހެންމެ ދީނީ ޕްރޮގުރާމްތައް ހުށަހަޅާ ރާއްޖޭގެ ގިނަ ރަށްތަކަކަށް ދަތުރުކޮށް ރައްޔިތުންނަށް ދީނީ ހޭލުންތެރިކަން އިތުރުކުރުމަށް އެކި ޕްރޮގުރާމްތަކުގައި އަލީ ވަނީ އިސްކޮށް ހަރަކާތްތެރިވެފައެވެ.
