އޮފީސް ޓެލެޑުރާމާ މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
ނޭޝަނަލް ސެންޓަރ ފޮރ ދި އާޓްސް އިން ކުރި އިއުލާނެއްގައި ބުނީ ”އެން.ސީ.އޭ – އޮފީސްތަކުގެ ޑްރާމާ މުބާރާތް 1446“ ގައި ބައިވެރިވުމުގެ ފުރުސަތު މުޅި ރާއްޖެއަށް ހުޅުވާލާ ކަމަށެވެ.
އެހެންކަމުން މި މުބާރާތުގެ ބައިވެރިވާން ޝައުގުވެރިވާ ފަރާތްތަކުން ޑިސެމްބަރު 12 ވަަނަ ދުވަހުގެ 13:30ގެ ކުރިން ނޭޝަނަލް ސެންޓަރ ފޮރ ދި އާޓްސް އަށް ފޯމް ހުށަހަޅަންޖެހޭނެ ކަމަށް އެ އިއުލާނުގައި ބުނެފައި ވެއެވެ.
މި މުބާރާތުގައި ބައިވެރިވެވޭނީ ސަރުކާރު އޮފީސްތަކާއި މިނިވަން މުވައްސަސާތަކާއި ސަރުކާރު ހިއްސާވާ ކުންފުނިތަކުގެ އިތުރުން ރަށު ކައުންސިލްތަކާއި، އަތޮޅު ކައުންސިލްތަކާއި ސިޓީ ކައުންސިލްތަކަށް ކަމަށް އެ އިއުލާނުގައި ބުނެފައި ވެއެވެ.
މި މުބާރާތް ކުރިއަށް ގެންދިއުމުގެ މަގްސަދަކީ މުނިފޫހިފިލުވުމުގެ ދާއިރާއަށް ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި ވާދަވެރި މަހައުލެއްގައި ފަންނުވެރިކަން ތަރައްޤީކޮށް ދެމެހެއްޓުން ކަމަށް އެންސީއޭއިން ހާމަކުރެއެވެ.
