ފުލުހެއްގެ ގައިގައި ދަތް އެޅި އަންހެނަކު ހައްޔަރުކޮށް 15 ދުވަހަށް ބަންދުކޮށްފިއެވެ.
މި މައްސަލައިގައި ހައްޔަރުކޮށްފައި ވަނީ 44 އަހަރުގެ ދިވެހި އަންހެނެކެވެ. .
ކްރިމިނަލް ކޯޓުން ނެރުނު ބަންދު އަމުރުގައި ބުނީ އެ އަންހެންމީހާއަކީ އާންމުކޮށް މަސްމާރުކޭޓުގެ ކެފޭއަކަށް ވަދެ އާންމުންނަށް އުނދަގޫކުރާ މީހެއް ކަމަށެވެ.އަދި ފުލުހުން އޭނާ ހައްޔަރުކުރި ދުވަހު ވެސް އެގޮތަށް އުޅެފައިވާ ކަމަށެވެ.
އަދި އެ ދުވަހު އޭނާ ހުއްޓުވައި ނަސޭހަތްތެރިވާން އުޅުމުން ފިލަން މަސައްކަތްކޮށް ފުލުހެއްގެ ގައިގައި ޖަހައި ދަތް އެޅި ކަމަށް ވެސް ބުނެފައިވެ އެވެ.
ނަމަވެސް އޭނާއަކީ ބޯ ހަމަނުޖެހޭ މީހެއް ކަމަށާއި ފުލުހެއްގެ ގައިގައި ދަތް އެޅުނު ކަމެއްވެސް އަދި ޖެހުނު ކަމެއްވެސް ނޭނގޭ ކަމަށް ކޯޓުަގައި ވަނީ ބުނެފައެވެ.
އެ މައްސަލައިގައި އޭނާގެ ބަންދާމެދު ގޮތެއް ނިންމަން ކްރިމިނަލް ކޯޓަށް ހާޒިރުކުރުމުން އޭނާގެ ބަންދަށް ވަނީ 15 ދުވަސް ޖަހާފައެވެ.
